Սուքիաս Պարզյան

Բանասեր, եկեղեցական գործիչ

Աշ-Մաթ

Դերասան, բեմադրիչ

Տիգրան Դավթյան

Քանդակագործ

Արշա Օվանեսովա

Կինոռեժիսոր

Վազգեն Տալյան

Բանաստեղծ, թարգմանիչ

Ամալյա Արազյան

Դերասանուհի

Նինել Դալլաքյան

Դերասանուհի

Գագիկ Ղազարյան

Քանդակագործ

Էլլա Տարունց

Երգչուհի

Վաչե Երիցյան

Դերասան

 

 

 

 

ԱԼՄԱ ՍԱՖՐԱԶՅԱՆ

Դերասանուհի

8 նոյեմբեր, 1859 - 18 նոյեմբեր, 1932

Վարդանուշ Գելոյան

Ծնվել է Ախալցխայում: Եղել է դերասան Ստեփան Սաֆրազյանի կինը: Բեմական գործունեությունն սկսել է 1880թ., Ախալցխայում, որտեղ խաղացել է (Օֆելյայի դերը Վ.Շեքսպիրի «Համլետ» ներկայացման մեջ, Պետրոս Ադամյան-Համլետի խաղընկերությամբ։ 1882թ-ից ամուսնու հետ շրջագայել է Անդրկովկասում, Ռուսաստանում, Պարսկաստանում և այլուր։ Կատարել է դրամատիկ և բնութագրական դերեր: Խաղացած ներկայացումներից են՝ Գ.Սունդուկյանի «Պիպո» (Կեկել, Շուշան, հայերեն, ադրբեջաներեն), Մուրացանի «Ռուզան» (Ռուզան), Հ.Կարինյանի «Շուշանիկ» (Շուշանիկ), Վ.Շեքսպիրի «Օթելլո» (Դեզդեմոնա), Շիլլերի «Ավազակներ» (Ամալյա), Ջակոմետտիի «Ոճրագործի ընտանիքը» (Ռոզալիա) և այլն։ 1883թ-ից խաղացել է նաև ադրբեջանական թատրոնում, եղել նրա առաջին դերասանուհին, հանդես եկել Մ.Ախունդովի «Հաջի Կարա», Վ.Մադաթյանի «Ագահությունը թշնամի է վաստակում», Ն.Գոգոլի «Ռևիզոր» և այլ պիեսներում՝ խաղընկեր ունենալով Զ.Զեյնալովին, Ն.Նարիմանովին, Հ.Արաբլինսկուն, Ստեփան Սաֆրազյանին և ուրիշների։ 1920թ-ից աշխատել է Բաքվի հայկական և ադրբեջանական թատրոններում, թատերախմբեր ղեկավարել բանվորական ակումբներում։ Թարգմանել է Ա.Ցագարելու «Խանում» պիեսը, կինոսցենարի վերածել Գ.Սունդուկյանի «Պեպո»-ն և Մ.Ախունդովի «Հաջի Կարա»-ն (ռուսերեն)։ 1926թ. արժանացել է Ադրբեջանի վաստակավոր արտիստի կոչման։ Մահացել է Ադրբեջանի Աղդաշ (այժմ՝ Քաղբերդ) քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար