ՄԱՐԻԱՆՆԱ ՍԵԴՄԱՐ

12 հունիս, 1899 - 24 հունվար, 1958

Մարիաննա Բոյախչիևա

Ծնվել է Թիֆլիսում: Եղել է օպերային երգիչ Շարա Տալյանի կինը։ Սովորել է Թիֆլիսի կոնսերվատորիայում, Բ.Կորսովի մոտ։ Բեմական գործունեությունն սկսել է 1919թ., Բաթումում՝ որսես օպերետային դերասանուհի։ 1924թ-ից մասնակցել է Լենինականում (այժմ՝ Գյումրի) ստեղծված օպերա-օպերետային խմբի ներկայացումներին, «Հայ աշուղներ» անսամբլին, Երևանի օպերային և Երաժշտական կոմեդիայի թատրոնների հիմնադրմանը։ 1933թ-ից եղել է Երևանի Ա.Սպենդիարյանի անվան օպերայի և բալետի թատրոնի մեներգչուհի։ Դերերգերից էն՝ Նանի (Ա.Տիգրանյանի «Անուշ»), Սոնա (Հ.Ստեփանյանի «Լուսաբացին»), Շուշան (Կ.Զաքարյանի «Մարջան»), Շպանիկ (Լ.Խոջա-Էյնաթյանի «Նամուս»), Բարբալե (Դոլիձեի «Քեթո և Կոտե»), Կարմեն (Բիզեի «Կարմեն»), Դքսուհի (Պ.Չայկովսկու «Պիկովայա դամա»)։ 1950թ. արժանացել է Հայաստանի ժողովրդական արտիստի կոչման: Մահացել է Երևանում: