ՆԱՐԵ ԳՐԻԳՈՐՅԱՆ

Ծնվել է 1992թ. հուլիսի 29-ին, ՀՀ Էջմիածին քաղաքում: Երգիչ, հաղորդավար Սամվել Գրիգորյանի դուստրն է: 2009թ. ավարտել է Երևանի Ռ.Միրոյանի անվան թիվ 77 միջնակարգ դպրոցը: 2000-07թթ սովորել է Երևանի Կ.Սարաջևի անվան երաժշտական դպրոցի դաշնամուրային բաժնում: 2009թ. ընդունվել է Հայաստանի պետական տնտեսագիտական համալսարանի կառավարման ֆակուլտետ: 2009-11թթ սովորել է Երգի պետական թատրոնին կից դպրոց-ստուդիայում: 2010թ. մասնակցել է «Բազե» համահայկական երիտասարդական հավաքին, որտեղ արժանացել է Վարդուհի Վարդանյանի անվան մրցանակին: 2011-16թթ աշխատել է Երգի պետական թատրոնում` որպես մեներգչուհի: 2013թ. մասնակցել է «Արմենիա» հեռուստաընկերության «Հայաստանի ձայնը» երաժշտական նախագծին, 2014թ.` «Մորսկոյ Ուզել» երգի միջազգային մրցույթ-փառատոնին, որտեղ արժանացել է «Գրան Պրի» մրցանակի: