Սիրանույշ

Դերասանուհի

Սարգիս Քամալյան

Բանահավաք, արձակագիր, թարգմանիչ

Լևոն Սաղաթելյան

Դրամատուրգ

Համբարձում Պերպերյան

Կոմպոզիտոր, դիրիժոր

Խաչիկ Դաշտենց

Արձակագիր, բանաստեղծ, թարգմանիչ

Գուրգեն Շահնազ

Բանաստեղծ

Նվարդ Ասատրյան

Դերասանուհի

Աիդա Հայրապետյան

Թարգմանիչ, գրականագետ

Սերգեյ Առաքելյան

Դերասան, արվեստաբան

Արծվին Գրիգորյան

Ճարտարապետ

Տավրոս Դաշտենց

Կինոսցենարիստ, կինոգետ

Վաչագան Սարգսյան

Գրող, թարգմանիչ

Արթուր Փափազյան

Դաշնակահար

Ֆորշ

Երգիչ, երգահան

Էդուարդ Քալանթարյան

Մարզական մեկնաբան

Հասմիկ Վերդյան

Դերասանուհի

Առաքել Մաղաքյան

Թավջութակահար

Արամ Ավետիս

Արձակագիր, կինոգետ

 

 

 

 

ՄԿՐՏԻՉ ՊՈՏՈՒՐՅԱՆ

Հայագետ, լրագրող

7 ապրիլ, 1881 - 8 դեկտեմբեր, 1959

Ծնվել է Արևմտյան Հայաստանի Խարբերդի վիլայեթի Պարտիզակ գյուղում: Նախնական կրթությունն ստացել է ծննդավայրի Ներսեսյան և Մխիթարյան վարժարաններում։ 1897թ. մեկնել է Վենետիկ, ուսանել հայագետներ Հ.Թորոսյանի, Վ.Հացունու, Ա.Ղազիկյանի մոտ, 1902թ. դարձել է Մխիթարյան միաբանության անդամ։ 1903թ. դասավանդել է Վենետիկի Մուրատ-Ռափայելյան վարժարանում, որտեղ նրան աշակերտել են Դանիել Վարուժանը, Վրթանես Փափազյանը և ուրիշներ։ 1909թ. եղել է «Բազմավեպ»-ի խմբագիրը, 1909-11թթ՝ մատենադարանապետ։ Այնուհետև Եղիսաբեթուպոլսում զբաղվել է գիտական, լրագրական, մանկավարժական աշխատանքով։ 1929-59թթ եղել է Տրանսիլվանիայի Ֆրումոասա (նախկին Սեպվիզ), ավանի հունգարացած հայերի հոգևոր առաջնորդը: Այստեղ հիմնել է տպարան, ծավալել հրատարակչական, մանկավարժական բուռն գործունեություն։ 1959թ. տեղափոխվել է Հայաստան։ Լույս է ընծայել «Զարդանկարք Ավետարանի Մլքե թագուհվո» (1902թ.) աշխատությունը։ Տպագրվել են նրա «Կոստանդին Երզնկացի ԺԴ դարո ժողովրդական բանաստեղծ և յուր քերթվածները» (1905թ.), «Ադամգիրք Առաքել Սյունեցվո» (1907թ.), «Առաքել Սյունեցի և իր քերթվածները» (1914թ.), «Մարտիրոս Ղրիմեցի և իր քերթվածները» (1924-30թթ) և այլ գրքեր։ Նրա գրչին են պատկանում Հովհաննես Երզնկացու, Ֆրիկի, Հովհաննես Թլկուրանցու, Գրիգորիս Աղթամարցու, Բաղդասար Դպիրի և միջնադարյան այլ բանաստեղծների մասին ուսումնասիրություններ։ Գրել է նաև բանասիրությանը («Սրբազան Հայկազունք», 1902թ., «Մխիթար և Մխիթարյանք», 1922թ.), մամուլի պատմությանը («Հայ մամուլը տասնեհինգ տարուն մեջ. 1894-1909», 1910թ.) վերաբերող գործեր։ Բուխարեստում հրատարակել է «Մասիս» (1920-22թթ), «Գաղութի ձայն» (1923թ.), «Նավասարդ» (1923-24թթ, Հ.Սիրունու և Հ.Աթանասյանի հետ), «Փարոս» (1924թ., Վ.Մեշտուճյանի հետ), «Երկիր» (1925-29թթ), «Հայ մամուլ» (1934-42թթ, Հ.Աթանասյանի հետ) պարբերականները, տարեցույցներ («Գաղութահայ տարեգիրք», 1939-41թթ, «Ռումինահայ տարեցույց», 1935թ., Հ.Աթանասյանի հետ)։ Հայ ժողովրդի տառապանքներն են արտացոլված նրա «Սև էջը» (1910թ.), «Արմենակին հույսերը» (1923թ.), «Կարմիր լուսին» (1927թ.) նովելներում։ Ստեղծագործել է նաև մանուկների համար («Վեպիկներ», 1930թ., «Հեքիաթներ», 1930թ., թարգմանել է հունգարերենից)։ Նրա որոշ երկեր թարգմանվել են ռումիներեն և հունգարերեն։ Կատարել է թարգմանություններ իտալերենից և հունարենից։ Եղել է հայ հանրագիտական գրականության հիմնադիրներից։ Մահացել է Վաղարշապատում (այժմ՝ Էջմիածին):

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար