ԱՐԱՄ ՉԱՐԸԳ

Բանաստեղծ, թարգմանիչ

31 հուլիս, 1874 - 11 մայիս, 1947

Ծնվել է Արևմտյան Հայաստանի Կարին (Էրզրում) քաղաքում։ Հայտնի է եղել նաև «Վտարանդի» անունով: Նախնական կրթությունն ստացել է Կարինի Արծնյան ազգային բարձրագույն նախակրթարանում: Հետագայում սովորել է Վաղարշապատի Գեորգյան ճեմարանում, Թիֆլիսի Ներսիսյան դպրոցում։ Լայպցիգի համալսարանում հետևել է գրականության ու պատմության դասընթացներին, ապա գրականություն ուսանել Փարիզում։ Ուսման տարիներին մտերմացել է Ավետիք Իսահակյանի հետ: Ուսուցչություն է արել Ֆիլիպեում, Վառնայում (Բուլղարիա), Կարինում (1909-11թթ), աշխատակցել է «Ռազմիկ» և «Դրօշակ» պարբերականներին: 1912-15թթ եղել Կ.Պոլսի Օրթագյուղի ազգային վարժարանի տնօրենը։ Հայոց ցեղասպանությունից (1915թ.) հետո եղել է տարբեր երկրներում և վերջնականապես հաստատվել Փարիզում։ Հայրենիքի ազատությանն է նվիրված նրա «Մեծ առաւօտը» բանաստեղծությունների ժողովածուն: Նրա «Բանաստեղծություններ» (1900թ.) ժողովածուն ամփոփում է սիմվոլիզմի ազդեցությունը կրող քնարական երգեր՝ սիրո, բնության, խոհափիլիսոփայական, սոցիալական, հայրենասիրական և ազգային-ազատագրական թեմաներով։ Հայ գրերի գյուտի 1500-ամյակի օրերին գրել է «Ս.Մեսրոպի տեսիլքը» (1913թ.) պոեմը։ Ունի Հայաստանին նվիրված բանաստեղծություններ ու հոդվածներ («Խորհրդային մեծ Հայաստան», 1945թ.)։ Թարգմանել է Օմար Խայամի քառյակները («Օմար Խայամի քառյակները», 1934թ.)։ 1946թ. հրավիրվել է Երևան՝ մասնակցելու Հայաստանի գրողների միության 2-րդ համագումարին։ Հաջորդ տարի, վերադարձի ճանապարհին, մահացել է Մոսկվայում։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար