Գարեգին Հովսեփյան

Հայագետ, եկեղեցական, մշակութային գործիչ

Գրիգոր Չախիրյան

Կինոգետ, կինոսցենարիստ

Գևորգ Մուշեղյան

Ճարտարապետ

Մելինե Համամջյան

Դերասանուհի

Ալեքսանդր Սահակյան

Ճարտարապետ, շինարար

Ասլան Մխիթարյան

Ճարտարապետ

Վահրամ Գալստյան

Ռեժիսոր, քանդակագործ

Նաիրա Մուրադյան

Կինոռեժիսոր, նկարչուհի

Էդգար Ռոստոմյան

Երաժիշտ, դերասան

 

 

 

 

ՆԻԿՈՂԱՅՈՍ ՉԵՄԲԵՐՋԻ

Կոմպոզիտոր

11 օգոստոս, 1903 - 22 ապրիլ, 1948

Ծնվել է Ռուսաստանի Ցարսկոյե Սելո (այժմ՝ Պուշկինո) քաղաքում: Ստեղծագործության առաջին դասատուն եղել է մորեղբայրը՝ Ալեքսանդր Սպենդիարյանը, որը և օգնել է նրան նոտագրելու իր առաջին երկերը (սոնատինա, պրելյուդներ, 2 քայլերդ և այլն)։ 1923-28թթ սովորել է Մոսկվայի կոնսերվատորիայում՝ Ա.Ալեքսանդրովի դասարանում: Ուսման տարիներին գրել 2 լարային կվարտետ, փողային գործիքների և դաշնամուրի կվինտետ, ջութակի կոնցերտ, «Պիոներիա» սյուիտ՝ շեփորի և դաշնամուրի համար, «Հայաստան» սյուիտ՝ ձայնի և դաշնամուրի համար։ Եղել է Մոսկվայի կոնսերվատորիայում ստեղծված «Արտադրական կոլեկտիվի» («Պրոկոլլ») կազմակերպիչներից, մասնակցել ՌԱՊՄ-ին («Российская ассоциация пролетарских музыкантов»)։ 1937-38թթ եղել է ԽՍՀՄ կոմպոզիտորների միության Մոսկվայի կազմակերպության վարչության նախագահը։ Մշակել է ռուսական, հայկական, ուզբեկական, տաջիկական, մոլդավական ու բաշկիրական ժողովրդական երգեր։ Գրել է «Տաջիկական սյուիտ» (1932թ.), «Ուզբեկական սյուիտ» (1938թ.), «Ռուսական նախերգանք» (1936թ.), «Կարլուգաս» («Ծիծեռնակ») բաշկիրական օպերա (1941թ., բեմադրվել է 1942թ.) և այլ գործեր։ Լավագույն գործերից է «Պարային սյուիտ»-ը սիմֆոնիկ նվագախմբի համար (1940թ.), հիմնված հայկական ժողովրդական երաժշտության տարրերի օգտագործման վրա։ Նշանակալից են նրա երրորդ կվարտետը (1943թ., ԽՍՀՄ պետական մրցանակ, 1946թ.), «Հայաստան» սիմֆոնիա-պոեմը (1944թ., հրտ.՝ 1961թ.), Հայկական երգերը՝ ձայնի և լարային կվարտետի համար (1945թ.)։ 1944թ. արժանացել է Բաշկիրիայի Ինքնավար հանրապետության արվեստի վաստակավոր գործչի կոչման։ Մահացել է Մոսկվայում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար