ԳԵՈՐԳԻ ՄՈՒՐԶԱ

Ճարտարապետ

16 ապրիլ, 1910 - 24 հունվար, 1994

Ծնվել է Երևանում: 1935թ. ավարտել է Երևանի պոլիտեխնիկական ինստիտուտը։ Հեղինակել է մի շարք բնակելի, հասարակական և արտադրական շենքեր, ինչպես և Պուշկինյան լեռնանցքի աղբյուր-հուշարձանը (1938թ.)։ 1936թ-ից եղել է Հայաստանի ճարտարապետների միության անդամ: Մասնակցել է Երկրորդ համաշխարհային պատերազմին: Հեղինակային խմբի կազմում մասնակցել է Երևանի 1950թ. և 1971թ. գլխավոր հատակագծերի, Երևանի կենտրոնական մասի հատակագծման և կառուցապատման նախագծի (համամիութենական մրցույթում՝ 1-ին մրցանակ, 1974թ.) մշակմանը։ Կազմել է (հեղինակային խմբերի հետ) Երևանի բնակարանային, կուլտուր-կենցաղային և կոմունալ շինարարության առաջին հերթի տեղադրման նախագծերը՝ 1959-65թթ, 1966-70թթ, 1971-75թթ, 1976-80թթ համար, Լենինականի (այժմ՝ Գյումրի) գլխավոր հատակագիծը (1930-ական թթ), Երևանի մի շարք շրջանների և միկրոշրջանների կառուցապատման, ինչպես և ՀՀ ԳԱ բուսաբանական այգու հատակագծման նախագծերը։ 1965թ. արժանացել է Հայաստանի վաստակավոր շինարարի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար