Մինաս Բժշկյան

Բանասեր, պատմաբան, ազգագրագետ, երաժշտագետ

Խաչատուր Աբովյան

Արձակագիր, բանաստեղծ

Աստղիկ Աղասյան

Բեմադրիչ, դերասանուհի

Գուրգեն Բալասանյան

Կինոռեժիսոր

Զվարթ Ղուկասյան

Գրականագետ, արձակագիր

Անդրանիկ Հովսեփյան

Արձակագիր, դրամատուրգ

Հենրիկ Թումանյան

Բանաստեղծ, թարգմանիչ

Վազգեն Մնացականյան

Գրականագետ, գրաքննադատ

Անրի Վեռնոյ

Կինոռեժիսոր

Գրիգոր Գուրզադյան

Աստղագետ, ֆիզիկոս, գրող, գեղանկարիչ

Սմբատ Ավագյան

Բանասեր, լրագրող

Սարո Կալենց

Գեղանկարիչ, դիզայներ

Արթուր Բարանով

Բալետի արտիստ

Թայմ Րիփորթ

Ջազ խումբ

 

 

 

 

ՀՈՎՆԱԹԱՆ ՀՈՎՆԱԹԱՆՅԱՆ

Գեղանկարիչ

16 մայիս, 1730 - 18 հունվար, 1802

Ծնվել է Նախիջևանի Շոռոթ գյուղում: Եղել է գեղանկարիչ Հակոբ Հովնաթանյանի որդին: Նկարչությունը սովորել է հոր մոտ: 1760-ական թվականներին արդեն անվանի գեղանկարիչը կատարել է Էջմիածնի վանքի պատվերները: 1776թ. վրաց Հերակլ Բ թագավորը նրան հրավիրել է Թիֆլիս՝ որպես պալատական նկարիչ: Ստացել է արվեստանոց, ազատվել պետական հարկերից և պարտավորվել աշակերտներ պատրաստել: Միաժամանակ շարունակել է Էջմիածնի տաճարի նկարազարդման ու ձևավորման աշխատանքը, որն ավարտել է 1786թ.: Ձևավորել է նաև Երևանի խանի պալատը, նկարներ ստեղծել Պարսկաստանում: Նրա դիմանկարները որակական նոր աստիճանի են բարձրացրել այսպես կոչված «ղաշարների ոճը» (օրինակները պահպանվում են Վրաստանի արվեստների թանգարանում, Թեհրանի Գոլիստան պալատում): Պատմական գործիչների դիմանկարներով (Մեսրոպ Մաշտոց, Սահակ Պարթև, Ներսես Շնորհալի, Հովհան Օձնեցի, Դավիթ Անհաղթ և ուրիշներ) հայ իրականության մեջ տվել է շքերթային դիմանկարի առաջին օրինակները: Նրա տաղանդը առավելապես արտահայտվել է թեմատիկ պատկերներում (Էջմիածնի տաճարի «Ավետընկալ Մարիամ», «Մոգերի երկրպագություն», «Մուտք Երուսաղեմ», «Խորհրդավոր ընթրիք», «Խաչելություն»), առաջին անգամ հայ իրականության մեջ ստեղծել է դասական սկզբունքներով լուծված կոմպոզիցիաներ, ի հայտ բերել կերպարների հոգեբանական գծերի արտահայտման ձգտում: Աստվածամորը պատկերող նկարների շարքում («Աստվածամոր փառքը») ակնառու է նկարչի ստեղծագործական ազատության, ավանդական թեմայի ինքնատիպ լուծման հակումը: Նկարչի ստեղծագործության մեջ տեղական գեղարվեստական հիմքի վրա բեկվել են արևմտյան և ուշ իրանական արվեստների ազդեցությունները: Նրա արվեստը եզրափակում է 17-րդ դարում սկիզբ առած հայ նոր արվեստի զարգացման կարևոր փուլը: Մահացել է Թիֆլիսում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար