Արամ Սաթունց

Կոմպոզիտոր

Արարատ Բարսեղյան

Դրամատուրգ, թատերագետ

Էդուարդ Բաղդասարյան

Օպերային երգիչ

Լիպարիտ Սարգսյան

Բանաստեղծ, արձակագիր

Ֆրունզիկ Կիրակոսյան

Բանաստեղծ, թարգմանիչ

Աբգար Ափինյան

Գրականագետ

Դավիթ Մուշեղյան

Կիթառահար

Արփի Ոսկանյան

Արձակագիր, բանաստեղծ

Կամո Սեյրանյան

Դուդուկահար

Նառա Վարդանյան

Արձակագիր

 

 

 

 

ԼԵՅԼԱ ՍԱՐԻԲԵԿՅԱՆ

Երգչուհի, երգահան

Ծնվել է 1963թ. հուլիսի 16-ին, Թբիլիսիում: 1969թ. հաճախել է տեղի 110 միջնակարգ դպրոց, 1976թ. տեղափոխվել Երևան և հաճախել Դ.Վարուժանի անվան 89 միջնակարգ դպրոց: 1976թ-ից երգել է Ս.Շահումյանի անվան պիոներպալատի վոկալ գործիքային անսամբլում: Այդ տարիներին դարձել է բազմաթիվ համամիութենական մրցույթների դափնեկիր (Կիև, Բաքու, Տաշքենդ): 1986թ. ավարտել է Երևանի Խ.Աբովյանի անվան մանկավարժական ինստիտուտի երաժշտական ֆակուլտետը, որից հետո աշխատել է ֆակուլտետում և դպրոցում` որպես երգի դասատու: Եղել է «Վարուժնակ» վոկալ համույթի ղեկավարը: 2000թ. մասնակցել է «Սայաթ-Նովա» երգի համահայկական փառատոնին, որտեղ «Հայոց աշխարհ» երգը արժանացել է հատուկ մրցանակի, իսկ 2001թ.` «Հայրենի հող» երգով` առաջին մրցանակին: 2002թ. Կահիրեի միջազգային երգի փառատոնին ներկայացրել է Հայաստանը և արժանացել 2-րդ մրցանակին: Հանդես է եկել բազմաթիվ համերգներով և մենահամերգներով Հայաստանում, ԱՄՆ-ում, Ռուսաստանում, Ավտրալիայում, Անգլիայում, Շվեյցարիայում, Իրանում, Բելգիայում և այլուր: Մասնակցել է բազմաթիվ բարեգործական համերգների և նախագծերի: Նկարահանել է տեսահոլովակներ: 2005թ. գրել և երգել է «Միասնության շուրջպար» երգը, որը դարձել է համահայկական և սիրված: Թողարկել է «Հայի ուժը» (2005թ.), «Մի բաժանվեք սիրուց երբեք» (2008թ.) ձայնասկավառակները: 2012թ. եղել է «Շանթ» հեռուստաընկերության «Հայսուպերսթար» երաժշտական նախագծի ժյուրիի անդամ: 2013թ. Երևանի Հ.Պարոնյանի անվան երաժշտական կոմեդիայի պետական թատրոնում խաղացել է Հ.Պարոնյանի «Պաղդասար աղբար» (Անուշ) օպերետում: 2015թ. թողարկել է Սասուն Պասկևիչյանի հեղինակած «Ինձ բացակա չդնեք» (խոսքեր՝ Հ.Սահյանի), «Արիսացիր սիրտ իմ» (խոսքեր՝ Վ.Տերյանի), «Հայրենիք» (խոսքեր՝ Պ.Սևակի) երգերը. վերջին երկուսը՝ Հայոց Մեծ եղեռնի 100-ամյակին ընդառաջ: 2007թ. արժանացել է Հայաստանի վաստակավոր արտիստի կոչման: