Յոզեֆ Նիկորովիչ

Կոմպոզիտոր

Նվարդ Ափինյան

Հրապարակախոս, թարգմանիչ

Աղասի Վարդանյան

Բանաստեղծ, թարգմանիչ

Արև Բաղդասարյան

Պարուհի, երգչուհի

Լուսիկ Քոշյան

Երգչուհի

Ռաֆիկ Եղոյան

Ճարտարապետ

Վրեժ Իսրայելյան

Արձակագիր, դրամատուրգ

Գևորգ Մանասյան

Կոմպոզիտոր, դաշնակահար

Մարիաննա Մխիթարյան

Դերասանուհի

Ռաֆայել Հովհաննիսյան

Հաղորդավար, պրոդյուսեր

Արա Հակոբյան

Գեղանկարիչ, արվեստաբան

Մարինա Մարտիրոսյան

Պարուհի, պարուսույց

Ռոբերտ Գասպարյան

Մարզական մեկնաբան

 

 

 

 

ՎԱԶԳԵՆ ՀԱԿՈԲՅԱՆ

Պատմաբան, աղբյուրագետ

14 փետրվար, 1913 - 5 մայիս, 1982

Ծնվել է ՀՀ Լեռնանցք (այժմ՝ ՀՀ Շիրակի մարզի Լեռնագյուղ) գյուղում: 1941թ. ավարտել է Երևանի պետական համալսարանի պատմության ֆակուլտետը: 1942թ. մասնակցել է Երկրորդ համաշխարհային պատերազմին: 1969-74թթ դասախոսել է Կիրովականի (այժմ՝ Վանաձոր) մանկավարժական ինստիտուտում: 1971-82թթ եղել է ՀՀ ԳԱ պատմության ինստիտուտի հայ ժողովրդի միջին դարերի պատմության բաժնի վարիչը: Զբաղվել է հայ ժողովրդի միջնադարյան պատմության, 18-րդ դարի հայ ազատագրական շարժման կենտրոնների ու ծրագրերի, տարբեր կարգի աղբյուրների քննության ու լուսաբանման հարցերով: «Մանր ժամանակագրություններ 13-18-րդ դդ» գործում (հ.1-2, 1951-56թթ) զետեղված են 85 մեծ ու փոքր ժամանակագրություններ, որոնց մեծ մասն առաջին անգամ նրա շնորհիվ է մատչելի դարձել հայագիտությանը: Աղբյուրագիտական կարևոր գործ է «Կանոնագիրք Հայոց»-ի երկու ստվար հատորների կազմումն ու հրատարակումը (1964-71թթ), որ պատմաբանը իրականացրել է ավելի քան 50 գրչագրերի հիման վրա՝ ընդարձակ ուսումնասիրությամբ, ծանոթագրություններով ու ցանկերով (1974թ. արժանացել է ՀՀ ԳԱ մաշտոցյան մրցանակի): Կազմել և հրատարակել է «Հայերեն ձեռագրերի ԺԷ դարի հիշատակարանները» (հատոր 1-3, 1974-84թթ, 1-ին հատորը՝ Ա.Հովհաննիսյանի հետ): Մասնակցել է նաև 18-րդ դարի հայ-ռուսական հարաբերությունների պատմությանը նվիրված փաստաթղթերի և «Մեսրոպ Մաշտոց» (1962թ.) ժողովածուների հրատարակմանը: 1967թ. ստացել է պատմական գիտությունների դոկտորի գիտական աստիճան (1972թ-ից՝ պրոֆեսոր): Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար