Դանիել Վարուժան

Բանաստեղծ

Պողոս Մակինցյան

Գրականագետ, թարգմանիչ, պետական գործիչ

Աշոտ Պատմագրյան

Երաժշտագետ, կոմպոզիտոր

Կարո Ղաֆադարյան

Հնագետ, պատմաբան, բանասեր

Հրաչյա Ռուխկյան

Գեղանկարիչ

Արմեն Վարդանյան

Գեղանկարիչ

Գրիգոր Հախինյան

Կոմպոզիտոր

Պերճ Ժամկոչյան

Երգեհոնահար

Սերգեյ Կարապետյան

Դուդուկահար

Արա Բերքյան

Ճարտարապետ

Սեյրան Խաթլամաջյան

Գեղանկարիչ, գրաֆիկ

Հրանտ Թադևոսյան

Գեղանկարիչ

Դոնարա Մկրտչյան

Դերասանուհի

Գագիկ Մանուկյան

Գեղանկարիչ

Վահագն Թևանյան

Բեմանկարիչ

Արմեն Գևորգյան

Բալետի արտիստ

Վահագն Զաքարյան

Հաղորդավար, լրագրող

Գուրգեն Ջանիբեկյան

Կինոռեժիսոր, կինոօպերատոր

 

 

 

 

ՍԱՐԳԻՍ ՀԱՐՈՒԹՅՈՒՆՅԱՆ

Բանասեր, ազգագրագետ

22 սեպտեմբեր, 1928 - 28 հունվար, 2019

Ծնվել է ՀՀ Ղազանչի գյուղում (այժմ՝ ՀՀ Շիրակի մարզում): Մինչև 5-րդ դասարանը սովորել է հայրենի գյուղում, այնուհետև տեղափոխվել Թբիլիսի, որտեղ ավարտել է միջնակարգ կրթությունը: 1947թ. ընդունվել է Երևանի պետական համալսարանի արևելյան լեզուների և գրականության բաժին: Գերազանց առաջադիմության համար արժանացել է Ս.Մալխասյանցի և Ա.Իսահակյանի անվան կրթաթոշակների: 1952թ. ավարտել է Երևանի պետական համալսարանը: 1952-56թթ եղել է Հայպոլիգրաֆհրատի տեսուչ, 1959-60թթ՝ ՀՀ ԳԱԱ Մ.Աբեղյանի անվան գրականության ինստիտուտի կրտսեր գիտաշխատող, 1960-62թթ՝ ՀՀ ԳԱ հնագիտության և ազգագրության ինստիտուտի կրտսեր գիտաշխատող: 1962թ-ից աշխատել է ՀՀ ԳԱԱ հնագիտության և ազգագրության ինստիտուտում, որտեղ 1992թ-ից եղել է տնօրենի տեղակալը: 1975թ-ից դասավանդել է Երևանի պետական, 1998թ-ից՝ Գավառի պետական համալսարաններում: 2006թ-ից եղել է «Պատմաբանասիրական հանդեսի» գլխավոր խմբագիրը: Ուսումնասիրել է հայ ժողովրդական բանահյուսության ժանրերը, կազմել և հրատարակել է հանելուկների գիտական համահավաք ժողովածու: Լույս են տեսել նրա «Հայ ժողովրդական հանելուկներ» (1960թ., 1965թ.), «Մանուկ Աբեղյան. կյանքը և գործը» (1970թ.), «Անեծքի և օրհնանքի ժանրը հայ բանահյուսության մեջ» (1975թ.) մենագրությունները: Հավաքել, ուսումնասիրել և հրատարակել է հայկական էպոսի նոր պատումներ («Սասնա ծռեր», 1977թ., «Սասնա ծռեր», հ.3, 1979թ., Ա.Սահակյանի աշխատակցությամբ) և համահավաք բնագիրը («Սասունցի Դավիթ», 1981թ.), զգալի աշխատանք է կատարել հայ առասպելաբանության ուսումնասիրության, հայ ժողովրդական խաղիկների գիտական համահավաքի և հայ բանահյուսության արխիվի գլխավոր կատալոգի կազմման գործում: Հրատարակվել են նրա «Հայ հին վիպաշխարհը» (1987թ.), «Հայ առասպելաբանություն» (2000թ.), «Հին հայոց հավատալիքները, կրոնը, պաշտամունքն ու դիցարանը» (2001թ.): 1971թ. ստացել է բանասիրական գիտությունների դոկտորի գիտական աստիճան: 1989թ-ից եղել է Միջազգային զրուցագիտության ընկերության անդամ, 2000թ-ից՝ ՀՀ ԳԱԱ թղթակից անդամ: 1994թ. պարգևատրվել է համազգային կրթամշակութային հաստատության մրցանակով: 2009թ. արժանացել է Հայաստանի գիտության վաստակավոր գործչի կոչման, 2013թ.՝ ՀՀ «Մովսես Խորենացի» մեդալի: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար