ԻԶԱԲԵԼ ԲԱՅՐԱԿԴԱՐՅԱՆ

Օպերային երգչուհի

Ծնվել է 1974թ. փետրվարի 1-ին, Լիբանանի Զահլե քաղաքում: Վաղ տարիքից երգել է Լիբանանի հայկական եկեղեցական համույթում, որից հետո տեղափոխվել է Կանադա և շարունակել երգել Տորոնտոյի հայկական եկեղեցական համույթում: 1997թ. ավարտել է Տորոնտոյի համալսարանը: Այդ տարիներին ելույթներ է ունեցել աշխարհի բազմաթիվ մեծ բեմերում: Արժանացել է բազմաթիվ բարձրագույն պարգևների և մրցանակների` «Մետրոպոլիտեն» օպերայի ազգային խորհրդի մրցանակ (1997թ.), Պ.Դոմինգոյի վոկալիստների մրցույթի առաջին մրցանակի (2000թ.), Մեծ Բրիտանիայի թագուհի Եղիսաբեթ 2-րդի ոսկե մեդալի (2000թ.) և այլն: Երգչուհու ձայնասկավառակը Կանադայում ճանաչվել է լավագույնը: Հանդիսանում է Նյու Յորքի «Մետրոպոլիտեն» օպերային թատրոնի մեներգչուհի, համագործակցում է աշխարհի լավագույն ֆիլհարմոնիկ նվագախմբերի հետ: Ելույթներով հանդես է եկել Պլաչիդո Դոմինգոյի, Յո-Յո Մայի, Զուկերմանի հետ: Հայաստան կատարած այցելությունների ժամանակ հանդես է եկել նաև Հայաստանի պետական ֆիլհարմոնիկ նվագախմբի հետ: 2002թ. ձայնագրվել է կանադահայ ռեժիսոր Ատոմ Էգոյանի «Արարատ» ֆիլմի համար` կատարոլով Կոմիտասի ստեղծագործություններից: Նրա ձայնը հնչում է նաև «Մատանիների տիրակալը» ֆիլմում: 2009թ. առաջադրվել է «Գրեմմի» մրցանակի` լավագույն վոկալ կատարման համար: 2017թ. արժանացել է ՀՀ «Մովսես Խորենացի» մեդալի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար