ԱՐԴՎԱՐԴ ԿԱՆԱՅԱՆ

Ճարտարապետ

15 նոյեմբեր, 1910 - 26 փետրվար, 2001

Ծնվել է Թիֆլիսում: 1924-27թթ սովորել է Երևանի ինդուստրիալ տեխնիկումում: 1932թ. ավարտել է Երևանի շինարարական (պոլիտեխնիկական) ինստիտուտը, որտեղ 1933-35թթ դասավանդել է: 1939թ-ից եղել է Հայաստանի ճարտարապետների միության անդամ: 1943թ-ից դասավանդել է Երևանի գեղարվեստի ուսումնարանում: 1944-47թթ եղել է ՀԽՍՀ Ժողկոմխորհին առընթեր ճարտարապետության գործերի վարչության հուշարձանների պահպանության բաժնի ավագ ճարտարապետ: 1950թ-ից աշխատել է Հայարդնախագիծ ինստիտուտում, որտեղ 1957թ-ից եղել է նախագծի գլխավոր ճարտարապետ: Նրա նախագծերով են կառուցվել Գորիսի կինոթատրոնը (1953թ.), Էջմիածնի մարզադաշտը (1958թ.), Լենինականի «Անտառային» շրջանի բնակելի առաջին թաղամասը (1958-64թթ), Ճանապարհաշինարարական մեքենաշինության գործարանի ինժեներական և 2 արտադրական մսանաշենքերը (1965թ.), Կիրովականի քիմկոմբինատի պրոֆիլակտորիումը (1976թ., համահեղինակ՝ Աշոտ Կանայան), պիոներական ճամբարներ ու բնակելի տներ, Երևանի ժամացույցի գործարանի մանկապարտեզը (1953թ.) և այլն: Զուգահեռաբար հանդես է եկել բազմաթիվ հոդվածներով՝ նվիրված հայ ճարտարապետությանն ու ճարտարապետներին: Մասնակցել է «Ռուս-հայերեն պոլիտեխնիկական բառարանի» համար շինարարական-ճարտարապետական տերմինների մշակմանը: Անդամակցել է Հայկական հանրագիտարանի խմբագրության գիտաճյուղային հանձնաժողովին: Նրա հոդվածները տպագրվել են հանրագիտարանի տարբեր հատորներում: 1971թ. արժանացել է Հայաստանի վաստակավոր ճարտարապետի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար