Մելքոն Գյուրջյան

Արձակագիր, հրապարակագիր

Հակոբ Տիրոյան

Բնագետ, գրող

Վահրամ Մուհենտիսյան

Ջութակահար, դիրիժոր

Էդուարդ Սաֆարյան

Ճարտարապետ

Վարուժան Խաստուր

Բանաստեղծ, թարգմանիչ

Անչոկ

Երգչուհի

Սամվել Բաղդասարյան

Դերասան, նմանակող

Ավետիք Էլոյան

Ճարտարապետ

Նունե Մելիքյան

Ջութակահար

 

 

 

 

ՎԻԿՏՈՐ ԼԱԶԱՐԵՎ

Արվեստաբան

22 օգոստոս, 1897 - 1 փետրվար, 1976

Ծնվել է Մոսկվայում, հայտնի Լազարյան տոհմի շառավիղներից Նիկողոս Լազարյանի ընտանիքում: 1920թ. ավարտել է Մոսկվայի համալսարանի պատմաբանասիրական ֆակուլտետը, 1924թ.՝ Հնագիտության և արվեստաբանության ինստիտուտի ասպիրանտուրան: 1924-36թթ աշխատել է Մոսկվայի կերպարվեստի թանգարանում, նախ իբրև իտալական գեղանկարչության բաժնի տնօրեն, ապա՝ պատկերասրահի վարիչ և գիտական գծով փոխտնօրեն: Նույն տարիներից կապված է եղել Մոսկվայի պետական համալսարանի հետ, իսկ 1960թ-ից եղել է այդ համալսարանի արտասահմանյան արվեստի պատմության ամբիոնի վարիչը (1961թ-ից՝ պրոֆեսոր)։ Հիմնական աշխատությունները նվիրված են հին ռուսական, բյուզանդական, ինչպես և Վերածննդի շրջանի արվեստի պատմությանը: Դեռևս 1925-27թթ եղել է մի շարք երկրներում (Իտալիա, Ֆրանսիա, Բելգիա, Գերմանիա, Ավստրիա, Հունաստան և այլն), ուսումնասիրել թանգարանային և հնագիտական արժեքները և, վերադառնալով Մոսկվա, ձեռք բերած հարուստ նյութը օգտագործել է իր հետազոտությունների համար։ Դրանցից են՝ «Բյուզանդական գեղանկարչության պատմությունը» (Մոսկվա, 1947թ.), «Իտալական վերածնության ծագումը» մենագրությունները և «Իտալացի հին վարպետներ», «Եվրոպական հին վարպետներ» գրքերը։ Տարբեր առիթներով անդրադարձել է նաև հայ հին մանրանկարչության հարցերին։ Հայկական միջնադարյան գեղանկարչությանը վերաբերող հոդվածները Հայաստանի արվեստի պատմության ուսումնասիրման նշանակալից ներդրումներ են: Եղել է արևմտաեվրոպական արվեստի սովետական խոշոր մասնագետներից: Եղել է ԽՍՀՄ ԳԱ արվեստի պատմության ինստիտուտի հիմնադիրներից։ 1943թ. ընտրվել է այդ ակադեմիայի թղթակից անդամ, 1945-60թթ գլխավորել է ակադեմիայի արվեստի ինստիտուտի գեղանկարչության և քանդակագործության բաժինը։ Ղեկավարել ու մասնակցել է «Ռուս արվեստի պատմության» բազմահատորյակի ստեղծման աշխատանքներին։ Ընտրվել է Բյուզանդագետների միջազգային ասոցացիայի պատվավոր նախագահ, Ավստրիայի, Բրիտանիայի, Իտալիայի և Սերբիայի գիտությունների ակադեմիաների, Ֆլորենցիայի և Սիցիլիայի արվեստի ինստիտուտների, Վենետիկի գիտությունների, գրականության և արվեստի ինստիտուտի պատվավոր անդամ։ Քանիցս այցելել է Հայաստան, ուսումնասիրել հայ հին մանրանկարչությունը։ Մահացել է Մոսկվայում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար