Մակար Եկմալյան

Կոմպոզիտոր, դիրիժոր

Վահան Թեքեյան

Բանաստեղծ

Հակոբ Անտոնյան

Բանաստեղծ, թարգմանիչ

Պողոս Խաչատրյան

Գրականագետ

Ռոդիոն Նահապետով

Դերասան, կինոռեժիսոր

Արծվի Բախչինյան

Բանասեր, կինոգետ, պատմաբան, թարգմանիչ

Սլավա Գրիգորյան

Կիթառահար

Արա Խզմալյան

Թատերագետ

Աննա Ղավալյան

Հաղորդավար, լրագրող

 

 

 

 

ԳՐԻԳՈՐ ՕՇԱԿԱՆՑԻ

Բանաստեղծ, հնագետ, եկեղեցական գործիչ

16 հոկտեմբեր, 1757 - 29 դեկտեմբեր, 1799

Ծնվել է Օշական գյուղում (այժմ՝ ՀՀ Արագածոտնի մարզում): Սովորել է Էջմիածնի վանքում՝ Սիմեոն Երևանցու նոր բացած դպրոցում: Ստացել է արքեպիսկոպոսության աստիճան: 1795-99թթ շրջել է Արևմտյան Հայաստանում, ուսումնասիրել նրա հուշարձանները, գրի առել բերդերի, աշտարակների, եկեղեցիների արձանագրությունները։ Գրել է տաղեր, չափածո արձանագրություններ և արձակ գեղարվեստական երկեր՝ «Տեսիլքներ», որոնք սկզբնավորում են հայ գեղարվեստական ակնարկը։ Ուշագրավ են Անի քաղաքին նվիրված նրա «Ողբ»-ը և «Արձանագրութիւնք յիշատակաց» ոտանավորները՝ հնագիտական հարուստ փաստերով։ Ճարտասանության մեջ ցուցաբերել է բացառիկ ձիրք և շնորհալիություն: Նրա ստեղծագործական ժառանգությունն ամբողջությամբ չի հասել մեզ, սակայն, բարեբախտաբար, նրա երգերը, զանազան ձեռագրերում ցրված լինելու հետ մեկտեղ, պահպանվել են նաև առանձին գրչագրերով: Մեզ ծանոթ են այդպիսի չորս ձեռագիր: Դրանցի երկուսը գտնվում է Երևանի Մատենադարանում, իսկ երկուսը՝ Վիեննայի մատենադարանում: Այս ձեռագրերի համար նախնական հիմք է հանդիսացել հեղինակի ինքնագիր «Տաղարանը», որը մեզ չի հասել, և որը հեղինակը հրատարակության է պատրաստել 1878թ., Էջմիածնում: Նրանից մեզ հայտնի են շուրջ 20 բանաստեղծություն, 23 ոտանավոր և 3 տեսիլ: Այս բոլորից անցյալում տպագրվել է միայն երկու երգ: Իր ստեղծագործական երախայրիքը, երգերի առաջին գիրքը՝ «Տաղարանը», նվիրել է իր հայրենի գավառում անմոռաց հիշատակ թողած Մեսրոպ Մաշտոցին՝ նշելով այն մեծ ու բարերար ազդեցությունը, որ թողել են նրա անունն ու գործը իր ստեղծագործական մտքի, իր կյանքի ու աշխատանքի վրա: Պահպանվել է գրողի վարքը, որը գրել է 18-րդ դարի բանաստեղծ Հովհաննես Կարնեցին: Մահացել է Արևմտյան Հայաստանի Կարին քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար