Միքայել Թումանով

Հրապարակախոս, բանաստեղծ

Հակոբ Հարությունյան

Փիլիսոփա, երաժշտագետ, գրականագետ, լեզվաբան

Ադամ Մաշինյան

Գեղանկարիչ, գրաֆիկ

Գրետա Գալստյան

Դերասանուհի

Տիգրան Մխիթարյան

Դերասան, բեմադրիչ

Արայիկ Բաբաջանյան

Դերասան, երգիչ

Լևոն Ախայան

Գեղանկարիչ

Արտյոմ Այրումյան

Ջութակահար

Էմմա Հոռոփյան

Հաղորդավար, լրագրող

 

 

 

 

ԵՂԻՇԵ ԴՈՒՐՅԱՆ

Բանասեր, բանաստեղծ, եկեղեցական գործիչ

23 փետրվար, 1860 - 27 ապրիլ, 1930

Միհրան Դուրյան

Ծնվել է Կոստանդնուպոլսում։ Եղել է գրող Պետրոս Դուրյանի եղբայրը։ Սովորել է Սկյուտարի ճեմարանում։ Ավարտելուց հետո 1876թ. պաշտոնավարել է նյուն դպրոցում որպես ուսուցիչ։ 1878թ. ընդունել է հոգևորական կոչում, ստացել Եղիշե անունը, բայց նախընտրել է զբաղվել կրթական աշխատանքով։ Հաջորդ տարվանից ուսուցչական պաշտոնով մեկնել է Պարտիզակ, ապա՝ Արմաշ, Իզմիր։ Այնուհետև վարել է տարբեր պաշտոններ։ 1898թ. ձեռնադրվել է եպիսկոպոս։ 1904-08թթ եղել է Զմյուռնիայի առաջնորդ, 1909-10թթ՝ Կ.Պոլսի պատրիարքը, 1911-21թթ՝ ուսուցիչ Կ.Պոլսի հայկական դպրոցներում։ 1921թ. ընտրվել է Երուսաղեմի պատրիարք և պաշտոնավարել մինչև կյանքի վերջը, որտեղ էլ ծավալել է գրական, մանկավարժական, հրատարակչական, կրթական գործունեություն։ Նրա պաշտոնավարության տարիներին կարգի է բերվել Երուսաղեմի Ժառանգավորաց վարժարանը, 1927թ-ից վերահրատարակել է այդ միաբանության «Սիոն» պարբերականը։ 1880թ. Կ.Պոլսում լույս է տեսել նրա առաջին ուսումնասիրությունը՝ «Ընթացք ի գրոց բարբառ» խորագրով (մաս 2, 1883թ.), 1882թ.՝ «Ընտիր ասացվածք օտարազգի ականավոր անձանց, կենսագրական համառոտ տեղեկությամբք» դիմանկարային ժողովածուն։ 1885թ. հրատարակված «Պատմություն հայ մատենագրության ի վաղ ժամանակաց մինչև մեր օրերն» ուսումնասիրությունն ընդգրկում է հայ գրականության պատմությունը գողթան երգերից մինչն 19-րդ դարի կեսերը։ Երկար ժամանակ այն Կ.Պոլսի և Երուսաղեմի հայկական դպրոցների դասագիրք է եղել: 1886թ. հրատարակել է «Բառագիտություն կամ ութ մասունք բանի հայերեն քերականության» աշխատությունը, որը քանիցս վերահրատարակվել Է։ Գրել է նաև բանաստեղծություններ։ Լույս են տեսել նրա «Հովվական սրինգ» (1909թ.) և «Սրբազան քնար» (1936թ., ետմահու) ժողովածուները։ Նրա կյանքի և գործունեության մասին ընդարձակ հետազոտություն է գրել Թորգոմ Գուշակյանը, տպագրել է նախ՝ «Արև» օրաթերթում, իսկ 1940թ.՝ առանձին գրքով Երուսաղեմում։ Մահացել է Երուսաղեմում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար