ԱՐԱՔՍՅԱ ԴԱՎԹՅԱՆ

Օպերային երգչուհի

22 ապրիլ, 1949 - 28 հուլիս, 2010

Ծնվել է ՀՀ Ղալաչա գյուղում (այժմ՝ ՀՀ Տավուշի մարզի Բերդավան գյուղ): Սովորել է Երևանի Կ.Սարաջևի անվան երաժշտական դպրոցում՝ Մելանյա Չոլախյանի դասարանում: 1975թ. ավարտել է Երևանի Կոմիտասի անվան պետական կոնսերվատորիան: 1975-86թթ եղել է Երևանի կոնսերվատորիայի օպերային ստուդիայի, 1986-92թթ՝ Հայաստանի հեռուստառադիոպետկոմի սիմֆոնիկ նվագախմբի մեներգչուհի: 1986թ. առաջին խորհրդային երգչուհին է եղել, ով հաղթանակ է տարել այնպիսի հեղինակավոր ստուգատեսում, ինչպիսին է Իտալիայի Վերչելլի քաղաքում անցկացվող Վիոտիի անվան մրցույթը: 1988թ. կատարել է Վերդիի «Ռեքվիեմը» Ամստերդամի «Կոնցերտ Գեբաու» դահլիճում: Իսկ Մոսկվայի Մեծ թատրոնում, դիրիժոր Ժուրայտիսի հրավերով, ներկայացել է Վերդիի «Տրավիատա» (Վիոլա) օպերայում: 1996թ. վոկալ է դասավանդել Երևանի Կոմիտասի անվան պետական կոնսերվատորիայում (1997թ-ից՝ պրոֆեսոր), պա՝ Մոսկվայի Պ.Չայկովսկու անվան պետական կոնսերվատորիայում, ուր աշխատել է մինչ կյանքի վերջ: 2005թ. նկարահանվել է «Վոկալային զուգահեռներ» ֆիլմում: Հյուրախաղերով հանդես է եկել աշխարհի ավելի քան 120 հեղինակավոր համերգասրահներում, հանդես եկել աշխարհահռչակ երաժիշտների հետ, այդ թվում՝ Վ.Սպիվակովի ղեկավարած «Մոսկվայի վիրտուոզներ» նվագախմբի հետ: Երգել է հիմնականում արևմտաեվրոպական, հայկական դասական և ժամանակակից կոմպոզիտորների գործերից: 1979թ. դարձել է Գլինկայի անվան Վոկալիստների համամիութենական, 1984թ.՝ Իտալիայի Վոկալիստների միջազգային մրցույթի դափնեկիր: 1987թ. արժանացել է Հայաստանի, 2001թ.՝ Ռուսաստանի վաստակավոր, 2004թ.` Հայաստանի ժողովրդական արտիստի կոչման: Մահացել է Մոսկվայում, թաղված է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար