Մուրացան

Արձակագիր

Հայրապետ Հայրապետյան

Մանկագիր, թարգմանիչ

Հակոբ Կոջոյան

Գեղանկարիչ

Շառլ Ժերար

Դերասան, կինոռեժիսոր

Հրանտ Բեգլարյան

Կոմպոզիտոր

Իգիթ Ղարիբյան

Պատմաբան, հնագետ

Հովհաննես Պապիկյան

Լրագրող, հրապարակախոս

Արմեն Դոնելյան

Դաշնակահար, կոմպոզիտոր, ջազմեն

Ալիս Կապլանջյան

Դերասանուհի

Վիլիկ Զաքարյան

Գեղանկարիչ

Սերժ Ավետիքյան

Դերասան, կինոռեժիսոր

Հմայակ Հակոբյան

Դերասան, աճպարար

Կարինե Բաբաջանյան

Օպերային երգչուհի

Անի Քոչարյան

Դերասանուհի

 

 

 

 

ՌԱՖԱՅԵԼ ԱԹԱՅԱՆ

Արձակագիր, գրականագետ, թարգմանիչ

30 հոկտեմբեր, 1907 - 4 դեկտեմբեր, 1990

Ծնվել է Նոր Ջուղայում (Իրան)։ Եղել է արձակագիր Արշակ Աթայանի որդին, երաժշտագետ, կոմպոզիտոր Ռոբերտ Աթայանի եղբայրը: Միջնակարգ կրթությունն ստացել է Նոր Ջուղայի հայկական դպրոցում և անգլիական քոլեջում։ 1923թ. ընտանիքով տեղափոխվել է Հայաստան։ 1927թ. ավարտել է Երևանի պետական համալսարանը։ 1923-25թթ որպես անգլերենի թարգմանիչ աշխատել է Արմենտայում (ապա՝ Արմենպրես), 1925-28թթ՝ «Ավանգարդ» թերթում որպես պատասխանատու քարտուղար, 1928-34թթ՝ «Խորհրդային Հայաստան» օրաթերթում որպես բաժնի վարիչ, ապա պատասխանատու քարտուղար, 1934-35թթ՝ Պետհրատում որպես գեղարվեստական գրականության բաժնի վարիչ և գլխավոր խմբագիր։ 1943-44թթ ծառայել է խորհրդային բանակում, մասնակցել Երկրորդ համաշխարհային պատերազմին: 1945թ-ից զբաղվել է մանկավարժական գործունեությամբ։ 1962-83թթ եղել է մանկավարժական գիտությունների գիտահետազոտական ինստիտուտի հայ գրականության բաժնի վարիչը։ Հայերեն և ռուսերեն գրել է մանկավարժական-գրականագիտական աշխատություններ։ 1948թ. «Կրասնոդոնի երիտգվարդիականները Ա.Ֆադեևի պատկերումով» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։ 1948-57թթ դասախոսել է Երևանի ռուսաց և օտար լեզուների մանկավարժական ինստիտուտում, վարելով հայ և ռուս գրականությունների ամբիոնը։ Կազմել է (հեղինակակցությամբ) գրականության դասագիրք 5-րդ դասարանի համար (1969-79թթ)։ Նրա «Մայա» վիպակն արժանացել է Հայպետհրատի 1949թ. հրատարակած մանկապատանեկան գրականության մրցանակաբաշխության երկրորդ մրցանակին։ 1934թ-ից եղել է Հայաստանի գրողների միության անդամ: Ռուսերեն լույս են տեսել նրա «Ռուս գրականությունը հայկական դպրոցներում դասավանդելու փորձից» (1948թ.), «Ռուսերեն ինքնուրույն գրավոր աշխատանքների համակարգի մասին» (1951թ.), «Ակնարկներ հայկական դպրոցներում ռուս գրականության դասավանդման» (1949թ.)։ 1985թ. Մոսկվայում ռուսերեն լույս է տեսել նրա «Գտնենք կորցրածը» վիպակ եռերգությունը։ Հրատարակվել են նրա «Մայա» (վիպակ, 1962թ.), «Պանաս Սմիռնի, կյանքը և ստեղծագործությունը» (1954թ.), «Զարթոնք» (1958թ.), «Սպարտակ» (1963թ.), «Դպրոցական այգի» (գիրք ուսուցիչների և ծնողների համար, 1963թ.), «Մրրիկի թևով» (1964թ.), «Աշակերտների գեղագիտական դաստիարակությունը» (1974թ.), «Սպարտակ» (գրքում տեղ է գտել «Սպարտակ» եռագրությունը՝ «Զարթոնք», «Սպարտակ», «Մրրիկի թևով» վեպերը, 1976թ.), «Շարադրությունը ուսման և դաստիարակության համակարգում» (1979թ.), «Գեղեցիկ խոսքը մայրենի լեզվի ուսուցման գործում» (1983թ.) գրքերը: Ռուսերենից թարգմանել է Կ.Դ.Ուշինսկու «Ուսումնադաստիարակչական աշխատանքը դպրոցում» (1945թ.), Լ.Սավելևի «Հետքեր քարի վրա» (1949թ.), Ջորդանո Բրունոյի «Անվերջականություն, տիեզերքի և աշխարհների մասին» (1950թ.), Ա.Ս.Բարկովի «Ֆիզիկական աշխարհագրություն» (1951թ.), Վ.Ֆ.Շուլաևի և Ն.Ա.Ռիկովի «Կենդանաբանություն» (1951թ.) աշխատությունները: 1972թ. պարգևատրվել է ՀԳՄ Խաչատուր Աբովյանի անվան մեդալով, 1985թ.՝ Հայրենական պատերազմի 2-րդ աստիճանի շքանշանով։ Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար