Եփրեմ Սեթյան

Բանասեր, պատմաբան

Տրդատ Պալյան

Բանասեր, մատենագետ, բանահավաք

Արշակ Բրուտյան

Երգահավաք, գեղանկարիչ

Վահան Մալեզյան

Արձակագիր, թարգմանիչ, բանաստեղծ

Կառլեն Անանյան

Ճարտարապետ

Ռոզա Պետրոսյան

Բանաստեղծ, արձակագիր

Սուրեն Թադևոսյան

Կինոօպերատոր

Մարինե Մինասյան

Հաղորդավար, դերասանուհի

 

 

 

 

ՔԻՄ ՔԱՇՔԱՇՅԱՆ

Ալտահար

Ծնվել է 1952թ. օգոստոսի 31-ին, ԱՄՆ-ի Դետրոյթ քաղաքում: Ալտ է սովորել Քարեն Թաթլի և լեգենդար ալտահար Ուոլթեր Թրամփլերի մոտ՝ Բալթիմորի Փիբոդի երաժշտական կոնսերվատորիայում: Երաժիշտն իր գործիքի համար նոր երկերի ստեղծման երդվյալ կողմնակիցն է: Բազմիցս մասնակցել է ԱՄՆ-ի և Եվրոպայի խոշոր փառատոներին, այդ թվում՝ Մարլբորոյի, Զալցբուրգի, Լոքենհաուսի և Սթավանգերի փառատոներին: Համագործակցել է Ֆելիքս Գալիմիրի, Ռոբերտ Լևինալի, Քիթ Ջարեթի, Գիդոն Քրեմերի, Դանիել Ֆիլիպսի, Յո-Յո Մայի և այլ համաշխարհային երաժիշտների հետ: Ձայնագրվել է «Սոնի»-ի համար և երեք տասնամյակ տևող համագործակցություն ունեցել Գերմանիայի «ECM» ընկերության հետ: Բրամսի սոնատների նրա ձայնագրությունը Ռոբերտ Լևինի հետ 1999թ. արժանացել է Էդիսոն մրցանակին: 2000թ. թողարկվել են Բարտոկի, Էոտվեոշի և Կուրտագի նրա ձայնագրությունները և 2001թ. արժանացել Կաննի դասական մրցանակին՝ նվագախմբի հետ մենակատարի պրեմիերային ձայնագրության համար: Նրա լայնածավալ մանկավարժական աշխատանքներն ընդգրկում են դասավանդումը Բլումինգթոնի Ինդիանա համալսարանում և Ֆրայբուրգի ու Բեռլինի կոնսերվատորիաներում (Գերմանիա): 2000թ-ից ալտ և կամերային երաժշտություն է դասավանդել Նոր Անգլիայի կոնսերվատորիայում (Բոստոն): Որպես մենակատար հանդես է եկել Նյու Յորքի, Բեռլինի, Վիեննայի, Լոնդոնի, Միլանի Մյունխենի և Տոկիոյի ճանաչված նվագախմբերի հետ՝ Ռիկարդո Շայիի, Քրիստոֆ Էշենբախի, Ռիկարդո Մուտիի և այլ հայտնի դիրիժորների ղեկավարությամբ: Մենահամերգներով հանդես է եկել Նյու Յորքի «Մետրոպոլիտեն» համերգասրահում, Բոստոնում, Վաշինգտոնում, Ֆիլադելֆիայում, Փիթսբուրգում, Սան Ֆրանցիսկոյում, Քլիվլենդում, Լոս Անջելեսում և այլուր: Համագործակցել է կոմպոզիտորներ Գուբայդուլինայի, Պենդերեցկու, Գիա Կանչելիի, Կուրտագի, Տիգրան Մանսուրյանի, Պյարտի, Բերիոյի, Էթվոշի և այլոց հետ: Նրա կամերային համերգների գործընկերներն են եղել դաշնակահար Ռոբերտ Լևինը և հարվածային գործիքների հայտնի կատարող Ռոբին Շուլկովսկին: Հանդես է եկել «Տոկիո», «Գուարների» և «Գալիմիր» կվարտետների հետ, ինչպես նաև եզակի կազմ ունեցող՝ Գիդոն Կրեմեր, Դանիել Փիլիպս, Քիմ Քաշքաշյան և Յո-Յո Մա քառյակով: 1991թ. նկարահանվել է Ժան Լյուկ Գոդարի «Գերմանիա: 9-0» ֆիլմում: Թեոդորոս Անգելոպուլոսի «Ուլիսի հայացքը» (1995թ.) ֆիլմի երաժշտության կատարողներից մեկն է: Թողարկել է բազմաթիվ ձայնասկավառակներ: Արժանացել է բազմաթիվ միջազգային երաժշտական մրցանակների, 2003թ.՝ Նիդերլանդների Էդիսոնի երաժշտական մրցանակի, 2013թ.՝ «Գրեմմի» մրցանակի՝ «Լավագույն դասական գործիքային սոլո կատարում» անվանակարգում:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար