ԴԱՎԻԹ ԶԱԼՅԱՆ

10 հուլիս, 1942 - 6 փետրվար, 2017

Ծնվել է Երևանում: 1965թ. ավարտել է Երևանի Կոմիտասի անվան պետական կոնսերվատորիայի խմբավարության, 1971թ.՝ դիրիժորության բաժինները: 1965-90թթ եղել է Երևանի Ռ.Մելիքյանի անվան երաժշտական ուսումնարանի երգչախմբի ղեկավարն ու խմբավարության դասատու, 1971-73թթ՝ Երևանի Ա.Տեր-Հովհաննիսյանի անվան երգչախմբի խմբավար, 2000թ.՝ գեղարվեստական ղեկավարը: 1971թ. հիմնադրել է «Ձայնի պահպանման» վոկալ-երգչախմբային մասնագիտական դպրոցը, որի տնօրենն է եղել մինչև կյանքի վերջ: 1986-97թթ եղել է երաժշտական մանկավարժական պետական թատրոնի (այժմ՝ Երևանի պետական Կամերային երաժշտական թատրոն) հիմնադիրը, գեղարվեստական ղեկավարն ու գլխավոր դիրիժորը: 2001թ. աշխատել է Երևանի Ա.Սպենդիարյանի անվան օպերայի և բալետի ազգային ակադեմիական թատրոնում՝ որպես դիրիժոր: 1980թ-ից դասավանդել է Երևանի կոնսերվատորիայում (2000թ-ից՝ պրոֆեսոր): 1995-2000թթ եղել է Կահիրեի հայկական եկեղեցու և զույգ վարժարանների երգչախմբերի ղեկավարը: Բեմադրել է Վ.Աճեմյանի «Կիկոսի մահը», Է.Խաղագորտյանի «Մի գլխարկի պատմություն», Բ.Բրիտտենի «Նոյյան տապան», Զյուսմայերի «Անվանակոչություն», Պ.Չայկովսկու «Տարվա եղանակները», Ս.Լուսիկյանի «Ճպուռն ու մրջյունը», Պերգոլեզիի «Stabat Mater» և այլ գործեր: Դարձել է մի շարք միջազգային և հանրապետական մրցանակների դափնեկիր: Մահացել է Երևանում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ