ՌԱՖԱՅԵԼ ԱՍԼԱՆՅԱՆ

Գեղանկարիչ

29 հուլիս, 1948 - 9 մարտ, 2017

Ծնվել է Կիրովականում (այժմ՝ Վանաձոր): Միջնակարգ կրթությանն զուգահեռ սովորել է Կիրովականի նկարչական դպրոցում: 1976թ. ավարտել է Երևանի գեղարվեստաթատերական ինստիտուտը՝ Սարգիս Մուրադյանի արվեստանոցը: Ավարտելուց հետո նկարչություն է դասավանդել Դիլիջանում: 1976թ. մասնակցել է Երևանի նկարիչների և քանդակագործների մրցույթին և արժանացել առաջին մրցանակի: 1978-84թթ մասնակցել է հանրապետական գեղարվեստական ցուցահանդեսներին (Հայաստան), սոցիալիստական երկրների երիտասարդ նկարիչների միջազգային ցուցահանդեսներին (Հավանա, Կուբա), համամիութենական գեղարվեստական ցուցահանդեսներին (Մոսկվա և այլուր): 1987-93թթ ցուցահանդեսների է մասնակցել նաև Ֆրանսիայում, Իտալիայում, Գերմանիայում, ԱՄՆ-ում: 1997-98թթ նկարներ է ստեղծել Թաթարստանի Նուրլատ քաղաքի Սբ. Իլյայի եկեղեցում, ինչպես նաև վերականգնել է սրբապատկերներ: Նկարչի արվեստը ձևավորվել է 19-20-րդ դարերի հայկական ազգային նկարչության, հին ռուսական կրոնական, ինչպես նաև արևմտյան մոտիվների ազդեցության ներքո: 1998թ-ից ապրել և ստեղծագործել է ՌԴ Տոմսկ քաղաքում: Մշակույթի վարչության աջակցությամբ ստացել է արվեստանոց, 1998-2007թթ դասավանդել է Տոմսկի Վ.Շիշկովի անվան մշակութային կրթական ուսումնարանում: Տոմսկի պետական մանկավարժական համալսարանի կազմում «Մշակույթի և արվեստի ինստիտուտի» ստեղծման պահից դասավանդել է այնտեղ, իսկ 2006թ-ից եղել է գեղարվեստաերաժշտական կրթության ամբիոնի պրոֆեսոր: 1998-2013թթ մասնակցել է տեղական և միջազգային ցուցահանդեսների, անհատական ցուցահանդեսներ է ունեցել Տոմսկում, Սևերսկում, Յուրգայում, Նովոսիբիրսկում, Կրասնոյարսկում և Մոսկվայում: 2002թ. դարձել է Աֆղանստանում և տեղական ռազմաճակատներում զոհված զինվորների հուշարձանի նախագծի հաղթող: Նկարչի կտավները գտնվում են Ռուսաստանի և արտերկրի տարբեր թանգարաններում և մասնավոր հավաքածուներում: Մահացել է ՌԴ Տոմսկ քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար