ԱԼԲԻՆԱ ՂԱԶԱՐՅԱՆ

Բալետի արտիստ

Ծնվել է 1989թ. օգոստոսի 3-ին, Երևանում: Բալետի արտիստ Նարեկ Մարտիրոսյանի կինն է: 1997-2007թթ սովորել է Երևանի պարարվեստի պետական ուսումնարանի բալետի բաժնում՝ Ա.Մարիկյանի դասարանում: 2007թ-ից աշխատել է Երևանի Ա.Սպենդիարյանի անվան օպերայի և բալետի ազգային ակադեմիական թատրոնում՝ որպես բալետի արտիստ: 2011թ. հրավեր է ստացել Իսրայելի պետական բալետից և մինչև 2013թ. աշխատել է որպես առաջատար մենապարող: 2013-15թթ աշխատել է Կալելիայի Երաժշտական թատրոնում՝ որպես առաջատար մենապարող: 2015թ. տեղափոխվել է ԱՄՆ: Նույն թվականից աշխատում է «Նյու Ջերսի» բալետային խմբում՝ որպես առաջատար մենապարող: 2010թ. մասնակցել է Յուրի Գրիգորովիչի «Աշխարհի երիտասարդ բալետ» մրցույթին՝ արժանանալով դափնեկրի կոչման: 2015թ-ից որպես հրավիրված ուսուցիչ-փորձավար դասավանդում է ամերիկյան առաջատար դպրոցներում: Հանդես է եկել հետևյալ բալետային ներկայացումներում՝ Ա.Ադանի «Ժիզել» (Ժիզել, Միրթա, պադեդե), «Կորսար» (Մեդորա, Գուլնարա), Ջ.Բիզեի «Կարմեն» (Կարմեն), Ս.Պրոկոֆևի «Ռոմեո և Ջուլիետ» (Ջուլիետ), «Մոխրոտիկ» (Փերի), Պ.Չայկովսկու «Քնած գեղեցկուհին» (Ավրորա), «Շչելկունչիկ» (Կլարա, Քաղցրավենիքների փերի), Ֆ.Շոպենի «Շոպենիանա» (11-րդ վալս), Ռ.Շեդրինի «Սապատավոր ձիուկը» (Ծովերի թագուհի, Գնչուհի), Վ.Մոցարտի «Կո Վենտի», Ջ.Քեյջի «A.T.E.S.B.A.», «Հիկարիզատո», Է.Ջեյմսի «Saturday night» (Embraceable you), Ա.Պիացոլլայի «Տանգո», Ջ.Պերգոլեզիի «Ստաբատ Մատեր», Դ.Շոստակովիչի «Ադաջիո»:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար