ՌՈՒԲԵՆ ԵՍԱՅԱՆ

Քանդակագործ

20 հոկտեմբեր, 1944 - 29 սեպտեմբեր, 2016

Ծնվել է ՀՀ Արագածոտնի մարզի Թալին քաղաքում: Ավարտել է ծննդավայրի Մ.Գորկու անվան միջնակարգ դպրոցը: 1965-67թթ աշխատել է թիվ 15 մշակույթի տանը՝ որպես նկարիչ-ձևավորող: 1967-71թթ սովորել է Երևանի Խ.Աբովյանի անվան պետական մանկավարժական ինստիտուտի նկարչության բաժնում: 1986թ-ից եղել է Հայաստանի նկարիչների միության անդամ: Մասնակցել է մի շարք համամիութենական և հանրապետական ցուցահանդեսների, ունեցել է անհատական ցուցահանդես: Աշխատել է դիմաքանդակների, կոմպոզիցիայի, քանդակադրոշմման բնագավառներում: Քանդակագործի աշխատանքները («Վարպետ Հովսեփ», «Զորակոչիկի դիմանակարը», «Ուսուցչուհու դիմանկարը», «Ձգտում», «Արշիլ Գորկի», «Գրիգոր Նարեկացի», «Վարազդատ արքա», «Տիգրան Մեծ»  և այլն) աչքի են ընկնում պլաստիկությամբ և ինքնատիպությամբ: Նրա նախընտրելի նյութը եղել է տուֆը: Պատահական չէ, որ երկար ժամանակ զբաղվել է խաչքարերի քանդակմամբ: Հեղինակի խաչքարերը տեղադրվել են ինչպես Հայաստանի տարբեր մարզերում և Արցախում, այնպես էլ արտերկրում: Փարիզի արվարձանային Կլամար և Շարանտոն քաղաքներում տեղադրվել են նրա հեղինակած խաչքարերը՝ նվիրված Հայոց Ցեղասպանության (1915թ.) զոհերի հիշատակին: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար