ԱՐՍԵՆ ԳՐԻԳՈՐՅԱՆ

Ծնվել է 1974թ. հունվարի 22-ին, Երևանում: 1991թ. ավարտել է Երևանի Խ.Աբովյանի անվան թիվ 84 միջնակարգ դպրոցը: 1991-94թթ սովորել է Երևանի Ռ.Մելիքյանի անվան երաժշտական ուսումնարանի օպերային երգեցողության բաժնում՝ Վլադիմիր Խաչատրյանի դասարանում: 1997-2002թթ երաժշտական ուսումը շարունակել է Երևանի Կոմիտասի անվան պետական կոնսերվատորիայի Սվետլանա Կոլոսարյանի օպերային երգեցողության, 3-րդ կուրսից՝ Ռուբեն Մաթևոսյանի ժողովրդական երգեցողության դասարանում: 2004թ. ավարտել է նաև ասպիրանտուրան՝ Արզաս Ոսկանյանի ղեկավարությամբ: 2004թ-ից դասավանդում է Երևանի կոնսերվատորիայի ժողովրդական երգեցողության ամբիոնում: 2001թ. «Սայաթ-Նովա» ամենամյա մրցանակաբաշխության ժամանակ արժանացել է առաջին և «Տարվա ժողովրդական երգիչ» մրցանակին: Համերգային շրջագայություններով եղել է բազմաթիվ երկրներում՝ ԱՄՆ, Ռուսաստան, Եվրոպական երկրներ, Հեռավոր և Մերձավոր Արևելք, Հարավային Ամերիկա: Նկարահանել է վեց տեսահոլովակ: