Տիգրան Փեշտիմալճյան

Բժիշկ, հրապարակախոս

Վահան Տերյան

Բանաստեղծ

Եղիա Գասպարյան

Գեղանկարիչ, դրամատուրգ

Սիրան Սեզա

Արձակագիր, հրապարակախոս

Զորայր Միրզայան

Բանաստեղծ, արձակագիր, թարգմանիչ

Անահիտ Թարյան

Բանաստեղծ, լրագրող

Հակոբ Թորգոմյան

Բաս-կիթառահար

 

 

 

 

ՀՈՎՀԱՆՆԵՍ ՀԱՐՈՒԹՅՈՒՆՅԱՆ

Գեղանկարիչ

Ծնվել է 1950թ. սեպտեմբերի 30-ին, Երևանում: 1969թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1975թ.՝ Երևանի գեղարվեստաթատերական ինստիտուտը: 1982թ-ից Հայաստանի նկարիչների միության անդամ է: Նկարչի բազմաժանր, էքսպրեսիվ իրապաշտական ուղղվածության գործերին հատուկ է գեղանկարի խոր տարածական ընկալումը: Ստեղծել է կոմպոզիցիաներ, բնանկարներ, դիմանկարներ: Գործերից են՝ «Սևան», «Արարատ», «Կանայք» շարքեր (1970թ-ից), «Վրեժ Իսրայելյանի դիմանկարը» (1984թ.), «Ժանետայի դիմանկարը» (2000թ.), «1915թ.: Ապրիլի 24» (1998թ.), «Շնորհակալություն, Ֆրանսիա» (2000թ.) և այլն: Հեղինակել է նաև Աստվածաշնչյան և եկեղեցածիսական թեմաներով երփնագրեր` «Քրիստոսի մուտքը Երուսաղեմ» (2003թ.), «Սուրբ Սարգիս» (2003թ., Պյատիգորսկի Սբ. Սարգիս եկեղեցում): 1990թ. ԽՍՀՄ նկարիչների միության կողմից ստեղծագործական գործուղումով մեկնել է Փարիզ, իսկ 1991թ. նախաձեռնել և ակտիվորեն մասնակցել է Ձարիզում ՀՀ նկարիչների միության արվեստանոցի ձեռք բերմանը: Անհատական ցուցահանդեսներ է ունեցել Փարիզում (1990թ., 2004թ.), Բորդոյում (1993թ.), Մոսկվայում (1997թ.), Բարբիզոնում (2000թ.), Լոնդոնում (2000թ.), Երևանում (2001թ.): 2012թ. «L'Acaddemie des Sciences et Lettres»-ի կողմից պարգևատրվել է շքանշանով և դպիլոմով: 2015թ. Ձարիզի Անկախների ցուցասրահում ցուցադրվել է նկարչի «Դեր Զոր» կտավը, որը Ֆրանսիայի մշակույթի և ազգային ֆեդերացիայի խորհրդի կողմից արժանացել է «Ոսկե կտավ 2015» մրցանակին: