ԳԱԳԻԿ ՌՈՍՏՈՄՅԱՆ

Ծնվել է 1955թ. մարտի 28-ին Երևանում: 1972թ. ավարտել է Երևանի Հ.Հովհաննիսյանի անվան թիվ 52 միջնակարգ դպրոցը: 1969-73թթ, դպրոցում սովորելուն զուգընթաց, աշխատել է Երևանի տարայի ֆաբրիկայում՝ որպես բանվոր: 1973թ-ից աշխատել է Կամոյի (այժմ՝ Գավառ) Լ.Քալանթարի անվան միջշրջանային պետական դրամատիկական թատրոնում՝ որպես դերասան: 1974թ-ից աշխատում է Երևանի Հ.Թումանյանի անվան պետական տիկնիկային թատրոնում՝ որպես դերասան: 1975-77թթ ծառայել է խորհրդային բանակում: 1992-95թթ և 1998-99թթ, համատեղության կարգով, եղել է նաև նույն թատրոնի փոխտնօրենը, 1999թ.՝ տնօրենը, իսկ 2001թ-ից՝ կրկին զբաղեցնում է փոխտնօրենի պաշտոնը: 1977թ-ից մասնակցել է «Հայֆիլմ» կինոստուդիայի կրկնօրինակման աշխատանքներին՝ կրկնօրինակելով ավելի քան 500 ֆիլմում գլխավոր և էպիզոդիկ դերեր: Նկարահանվել է «Երջանկության մեխանիկա» (1982թ.), «Կապիտան Առաքել» (1988թ.) ֆիլմերում: 1989-94թթ սովորել է Սանկտ Պետերբուրգի թատերական արվեստի ակադեմիայում: 1998թ-ից Երևանի թատրոնի և կինոյի պետական ինստիտուտում դասավանդում է բեմական խոսք (2010թ-ից՝ դոցենտ): Նույն թվականից միաժամանակ աշխատում է Հայաստանի հանրային ռադիոյում՝ որպես հաղորդավար, իսկ 2000թ-ից վարում է «Կուլիսներ» հեղինակային հաղորդաշարը: 2001թ-ից «Հայրենիք» հեռուստաընկերությունում վարել է «Մեր հայրենիքի պատմությունը» հաղորդաշարը, 2005թ-ից «Ար» հեռուստաընկերությունում՝ «Պատմություն հայոց», 2008թ-ից՝ «Հայկական հետք», իսկ 2009թ-ից վարում է «Մեր մեծերը» հաղորդաշարերը: 2005թ-ից Երևանի Խ.Աբովյանի անվան պետական մանկավարժական համալսարանի մշակույթի ֆակուլտետում դասավանդում է բեմական խոսք: 2005թ. արժանացել է ՀՀ մշակույթի նախարարության պատվոգրի, 2007թ.՝ Հայաստանի արվեստի վաստակավոր գործչի կոչման, 2010թ.՝ ՀՀ մշակույթի նախարարության ոսկե մեդալի, 2015թ.՝ Երևան քաղաքի մշակոյթի պատվավոր գործչի կոչման: