ԷԴՈՒԱՐԴ ԵԴԻԳԱՐՅԱՆ

26 մարտ, 1943 - 18 փետրվար, 2019

Ծնվել է Լենինականում (այժմ՝ Գյումրի): 1956-58թթ սովորել է տեղի արվեստի դպրոցում, 1953-63թթ՝ Երևանի Փ.Թերլեմեզյանի անվան գեղարվեստի ուսումնարանում: 1970թ. ավարտել է Երևանի գեղարվեստաթատերական ինստիտուտը: 1970-88թթ եղել է Երևանի պետական դրամատիկական թատրոնի գլխավոր նկարիչը: 1974թ-ից եղել է Հայաստանի նկարիչների միության անդամ, մասնակցել է հանրապետական, համամիութենական և միջազգային ցուցահանդեսների: Եղել է նաև Երևանի Ա.Սպենդիարյանի անվան օպերայի և բալետի ազգային ակադեմիական թատրոնի գլխավոր նկարիչը, որտեղ ձևավորել է շուրջ 40 ներկայացումներ: Անհատական ցուցահանդեսներ է ունեցել Գերմանիայում (1994թ., 1995թ., 1998թ., 2002թ., 2012թ.), Նիդերլանդներում (1996-2011թթ), Նորվեգիայում (1999-2001թթ), Իտալիայում (1998թ.), Բելգիայում (2002թ.), Քաթարում (2009թ.): 1991թ. տեղափոխվել է Չեխիա, որտեղ շարունակել է ստեղծագործել: 1996թ. Պրահայում հիմնել է իր արվեստանոցը: 2003թ-ից եղել է Չեխիայի արվեստի միության վաստակավոր անդամ: 1990թ. արժանացել է Հայաստանի վաստակավոր նկարչի կոչման: Մահացել է Պրահայում: