ԱՂՎԱՆ ՊԱՊՈՅԱՆ

Ծնվել է 1989թ. օգոստոսի 23-ին, Երևանում: 2006թ. ավարտել է Երևանի Դ.Դեմիրճյանի անվան թիվ 27 միջնակարգ դպրոցը, որից հետո սովորել է Հայաստանի պետական հայ-ռուսական սլավոնական համալսարանի տուրիզմի կառավարման ֆակուլտետում: Ավարտել է նաև Երևանի Խ.Աբովյանի անվան պետական մանկավարժական համալսարանի փողային էստրադային ֆակուլտետը: 2007-09թթ աշխատել է «Շանթ» հեռուստաընկերությունում` որպես հաղորդումների ադմինիստրատոր: 2011թ-ից աշխատել է «Մալխաս» ջազ ակումբում և Հայաստանի պետական ջազային նվագախմբում` որպես մեներգիչ: 2012թ. տեղափոխվել է Մոսկվա, որտեղ շարունակել է երգչի գործունեությունը, համագործակցել տարբեր երաժիշտների հետ, խմբով հանդես եկել մոսկովյան մի շարք ակումբներում՝ Իգոր Բուտմանի, Կոզլովի, «GQ», «Արտեֆակ», «B2», «Squat» և այլն: Համերգային ծրագրերով պարբերաբար հանդես է եկել Երևանում, «Noozi Band»-ի և Հայաստանի պետական ջազային նվագախմբի հետ: