Ստեփանոս Ագոնց

Հայագետ, աշխարհագրագետ, եկեղեցական գործիչ

Նինա Ղորղանյան

Օպերային երգչուհի

Թադեոս Էֆենդի

Երգահան, ջութակահար, քանոնահար

Ֆրեյդուն Աղալյան

Ճարտարապետ

Օննիկ Ավետիսյան

Գեղանկարիչ, արվեստաբան

Գոհար Ֆերմանյան

Գեղանկարչուհի

Ալեքսանդրու Շահիկյան

Արձակագիր, բանաստեղծ, դրամատուրգ

Գուրգեն Գաբրիելյան

Դերասան, ռեժիսոր

Զարեհ Մուրադյան

Բալետի արտիստ, պարուսույց

Վարդուհի Խաչատրյան

Օպերային երգչուհի

Աննա Մնացականյան

Օպերային երգչուհի

 

 

 

 

ԳԵՎՈՐԳ ՊԵՏՐՈՍՅԱՆ

Դերասան, բեմադրիչ

11 նոյեմբեր, 1859 - 28 հոկտեմբեր, 1906

Գևորգ Տեր-Պետրոսյան

Ծնվել է Օրդուբադում: Եղել է դերասան, բեմադրիչ Քրիստափոր Պետրոսյանի եղբայրը: Սովորել է Մոսկվայի Լազարյան ճեմարանում: 1881-82թթ եղել է Թիֆլիսի թատերական կոմիտեի դերասանական մշտական խմբում՝ Օրդուբադյան բեմական ազգանունով: Առաջին դերը Զաքարե Իշխանն էր (Մուրացանի «Ռուզան»): Այդ շրջանում նա եղել է Պետրոս Ադամյանի խաղընկերը: 1883թ. ընդունվել է Պետերբուրգի տեխնոլոգիական ինստիտուտ: Մինչև 1890թ. ուսանողական ինքնագործ խմբերում խաղալուց բացի, աշխատել է տեղի և Մոսկվայի ռուսական թատրոններում, մոտիկից շփվել ռուսական ռեալիստական թատերարվեստին: Նրա ջանքերով 1891թ. Թիֆլիսում կազմակերպվել է մշտական թատերախումբ, որի կազմում էին Հովհաննես Աբելյանը, Գևորգ Տեր-Դավթյանը, Արամ Վրույրը, Պողոս Արաքսյանը, Սաթենիկ Չմշկյանը, Զաբելը, Արշակ Հարությունյանը և ուրիշներ: 1891թ. մեկնել է Կ.Պոլիս, կրկին Թիֆլիս հրավիրել Սիրանույշին, Դավիթ Թրյանցին, ինչպես և Արմեն Արմենյանին: Առանձնապես արգասավոր է եղել նրա գործունեությունը Բաքվի ու Թիֆլիսի թատերախմբերում (1897-1905թթ թատերաշրջաններ): Հայկական թատերարվեստը մասսայականացնելու համար միայնակ և խմբերով հանդես է եկել հայաշատ քաղաքներում: Նպաստել է ազգային թատերական մշակույթի առաջընթացին, զգալի ավանդ ներդրել ռուսական թատրոնի ռեալիստական ավանդույթները հայ բեմարվեստում կիրառելու ուղղությամբ, դաստիարակել բազմաթիվ դերասաններ: Եղել է հայ թատրոնի անհատականություններից: Համոզիչ մեկնաբանությամբ բեմադրել է Շիլլերի «Ավազակներ», Ա.Դյումա-որդու «Կամելիազարդ տիկինը», Վ.Շեքսպիրի «Լիր արքա», Գ.Սունդուկյանի «Պեպո» և այլ պիեսներ, 1891թ. բեմականացրել է Րաֆֆու «Սամվել» վեպը: Նրա դերակատարումներն աչքի են ընկել կերպարի մանրակրկիտ ուսումնասիրությամբ, հերոսի արծարծած հասարակական խնդիրները կարևորելու և հանդիսականին հասցնելու միտումով: Խաղացել է դրամատիկական, ողբերգական և բնութագրական դերեր: Խաղացած ներկայացումներից են՝ Ն.Գոգոլի «Ռևիզոր» (Քաղաքագլուխ), Մ.Լերմոնտովի «Դիմակահանդես» (Արբենին), Յուժին-Սումբատովի «Դավաճանություն» (Անանիա Գլախա), Հ.Պարոնյանի «Պաղտասար աղբար» (Օգսեն), Գ.Սունդուկյանի «Պեպո» (Պեպո), Շիլլերի «Սեր և խարդավանք» (Միլլեր), Վ.Շեքսպիրի «Օթելլո» (Օթելլո), «Անսանձ կնոջ սանձահարումը» (Պետրուչչո), «Լիր արքա» (Լիր արքա), «Վենետիկի վաճառականը» (Շայլոկ) և այլն: Մահացել է Նոր Նախիջևանում (այժմ՝ Դոնի Ռոստով), թաղվել է Թիֆլիսի Խոջիվանքի գերեզմանատանը:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար