Արմեն Տիգրանյան

Կոմպոզիտոր, դիրիժոր

Արամ Թորոսյան

Ճարտարապետ, գրող

Մկրտիչ Արմեն

Բանաստեղծ, արձակագիր, թարգմանիչ

Փայլակ Մանուկյան

Ճարտարապետ

Արկադի Մաղդասյան

Կրկեսի արտիստ, ակրոբատ

Անահիտ Սեկոյան

Արձակագիր

Հրաչյա Ղափլանյան

Բեմադրիչ, դերասան

Գոհար Գասպարյան

Օպերային երգչուհի

Վարուժան Նալբանդյան

Արձակագիր, դրամատուրգ, թարգմանիչ

Տիգրան Լևոնյան

Օպերային երգիչ, բեմադրիչ

Գեորգի Թովմասյան

Գեղանկարիչ

Անահիտ Արփեն

Արձակագիր

Մարի Սանթրոսյան

Դերասանուհի

Եվա Սուջյան

Երգչուհի, երաժիշտ

Ժորա Սարգսյան

Դաշնակահար

 

 

 

 

ԱՐԿԱԴԻ ՊԵՏՐՈՍՅԱՆ

Գեղանկարիչ, գրաֆիկ

23 նոյեմբեր, 1933 - 19 նոյեմբեր, 2013

Ծնվել է Սյունիքի մարզի Բռնակոթ գյուղում: 1951թ. ընդունվել է Երևանի Փ.Թերլեմեզյանի անվան գեղարվեստի ուսումնարան` Մկրտիչ Քամալյանի արվեստանոց: 1952-55թթ ծառայել է խորհրդային բանակում: 1960-65թթ սովորել է Երևանի գեղարվեստաթատերական ինստիտուտի նկարչության բաժնում: 1970թ-ից եղել է Հայաստանի Նկարիչների միության անդամ: Նույն թվականից դասավանդել է Երևանի գեղարվեստի պետական ակադեմիայում (1997թ-ից` պրոֆեսոր): 1980-84թթ եղել է Հայաստանի նկարիչների միության փոխնախագահը: 1967թ. նկարազարդել է հայկական «Հազարան բլբուլ» հեքիաթը, նկարազարդումները տպագրվել են նաև «Արվեստ» ամսագրում: Վաղ շրջանի գործերին (կոմպոզիցիաներ, դիմանկարներ, նատյուրմորտներ, թեմատիկ պատկերներ, գրաֆիկա) բնորոշ են գունաշերտի փոխակերումները և պայմանական մեկնաբանումները: Գործերից են` «Պառկած ֆիգուր» (1966թ.), «Սփռոցով նատյուրմորտ» (1968թ.), «Երաժշտություն» (1972թ.), գրաֆիկական 4 թերթ` հայկական ժողովրդական մոտիվներով (1969թ.) և այլն: Գեղանկարչական և գրաֆիկական հետագա նկարաշարերում ի հայտ եկած հնագույն և քրիստոնեական շրջանի գծածավալային և ուրվագծային ձևամիջոցները վերածվել են արդիական նկարագրով սյուրռեալիստական պատկերների` «Տարբեր ներկայացումներ» (1974թ.), «Ժամանց» (1982թ.), «Դարեր շարունակ» նկարաշար (1985թ.), «Հանդիպում» (1989թ.), «Հեծյալը» (2000թ.), «Հավատքի ճանապարհին» (2001թ.), «Ձիու հետ» (2001թ.): Գրաֆիկական շարքերից են` «Սասունցի Դավիթ» (1968թ.), Ղազարոս Աղայանի «Զանգի Զրանգի» հեքիաթի մոտիվներով (1973թ.) և այլն: 1972թ. ԽՍՀՄ 50-ամյակին նվիրված ցուցահանդեսում ներկայացրել է 3 իլուստրացիաներ «Սասունցի Դավիթ» էպոսից: Մասնակցել է մի շարք ցուցահանդեսների Երևանում, Ուլան Ուդեյում, Տարտուում, Լիսաբոնում, Գերմանիայում, Նյու Յորքում, Սանկտ Պետերբուրգում, Զապորոժիեյում, Լոս Անջելեսում, Մոսկվայում, Իտալիայում: 2003թ. անհատական ցուցահանդես է ունեցել Երևանում: 1959թ. Սայաթ-Նովայի 250-ամյակին նվիրված ցուցահանդեսում արժանացել է առաջին մրցանակին, 2003թ.` «Վահագն Հովնանյան» մրցանակաբաշխության առաջին մրցանակին: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար