Սամվել Գանթարյան

Բառարանագիր, թարգմանիչ

Սեդրակ Մանդինյան

Դերասան, գրող

Ստեփան Լիսիցյան

Ազգագրագետ, պատմաբան, թարգմանիչ

Դավիթ Չիսլյան

Ճարտարապետ

Էլիզա Գյուլեսերյան

Դերասանուհի, մանկավարժ

Գրիգոր Ազիզյան

Գեղանկարիչ

Սարգիս Հարությունյան

Բանասեր, ազգագրագետ

Ֆելիքս Բախչինյան

Գրականագետ, թարգմանիչ

Վազգեն Ասատրյան

Բաս-կիթառահար

Վահրամ Սահակյան

Դրամատուրգ, կինոռեժիսոր

Մարինա Սուլթանյան

Հաղորդավար, պրոդյուսեր

Միհրան Ծառուկյան

Երգիչ, դերասան

Արտակ Վարդանյան

Հաղորդավար, լրագրող

Նարե Գևորգյան

Երգչուհի

 

 

 

 

ՌԻՇԱՐ ԺԵՐԱՆՅԱՆ

Գեղանկարիչ

Խաչատուր Ժերանյան

Ծնվել է 1921թ. հուլիսի 17-ին, Արևմտյան Հայաստանի Սեբաստիա քաղաքում: 1921թ. տեղափոխվել է Ֆրանսիա: Կրթություն է ստացել Մարսելի գեղարվեստի դպրոցում, Փարիզի Ժյուլիեն և Գրան Շոմիեր ակադեմիաներում: Նկարչի կտավների թեմատիկ, ժանրային, ոճական ընդգրկումը չափազանց լայն ու բազմազան է: Խիստ ընդհանրական կերպով միայն կարելի է ուրվագծել նկարչի նախապատվությունները` իրապաշտական, սեզանական-կուբիստական պատկերային մտածողությունից մինչև սյուրռեալիզմը: Նրա ինչպես գեղանկարչական, այնպես էլ գրաֆիկական ստեղծագործություններն արտահայտչական առումով վերին աստիճանի հագեցած են: Արվեստագետն ասես թափանցում է առարկաների, միջավայրի, զգացողությունների խորքը, մակերեսի միջով թափանցում էության մեջ: Աշխատանքներից են` «Ինքնադիմանկար» (1953թ.), «Անիի ավերակները» (1965թ.), «Ընկերները» (1967թ.), «Քրիստոսի մուտքը Անի» (1973թ.), «Լենինականի երկրաշարժը» (1988թ.), «Մարմարաշենի վանքը» (1992թ.), «Նորավանք» (1995թ.), «Հաղպատի վանքը» (2001թ.), «Տաթևի վանքը» (2002թ.), «Տրոյական ձի» (2002թ.), «Աղթամար» (2003թ.), բնապատկերներից են` «Փարիզի Նոտր-Դամը ձմռանը» (1956թ.), «Օնֆլյորի նավահանգիստը» (1958թ.), «Աշնանային բնապատկեր» (1958թ.), «Փարիզի կամուրջները» (1963թ.), «Նոտր-Դամի կամուրջները» (1963թ.), «Տաթևի վանքը» (1967թ.), «Անիի ավերակները» (1968թ.), «Նորմանդական բնապատկեր» (1982թ.), նատյուրմորտներից են` «Արևելյան ծաղկեփունջ» (1966թ.), «Իսպանական նատյուրմորտ» (1972թ.) և այլն: Անհատական ցուցահանդեսներ է ունեցել աշխարհի տարբեր քաղաքներում` Փարիզ, Մարսել, Բեյրութ, Թեհրան, Ժնև, Մյունխեն, Նյու Յորք, Վաշինգտոն, Դալլաս, Երևան, Գյումրի և այլն: Արժանացել է մի շարք մրցանակների, այդ թվում` Բնանկարի Հոնֆլյորի մրցանակի (1952թ.), Դովիլ քաղաքի Մեծ մրցանակի (1952թ.), Փարիզ քաղաքի արծաթե մրցանակի (1955թ.), Փարիզի Արվեստի և գրականության մրցանակի (1955թ.), Շատո դը Սկո (1956թ.), Պալե Ռոյալ (1957թ.), Բրյուսելի «Արվեստները Եվրոպայում» ցուցահանդեսի մրցանակի (1964թ.), Գծանկարի` Եվրոպայի 1-ին մրցանակի (Մոնակո, 1966թ.), Հայաստանի նկարիչների միության Մարտիրոս Սարյանի անվան մրցանակին (1987թ.) և այլն: 2011թ. արժանացել է ՀՀ «Մովսես Խորենացի» մեդալի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար