Սամվել Գանթարյան

Բառարանագիր, թարգմանիչ

Սեդրակ Մանդինյան

Դերասան, գրող

Ստեփան Լիսիցյան

Ազգագրագետ, պատմաբան, թարգմանիչ

Դավիթ Չիսլյան

Ճարտարապետ

Էլիզա Գյուլեսերյան

Դերասանուհի, մանկավարժ

Տիգրան Սիմոնյան

Գեղանկարիչ

Գրիգոր Ազիզյան

Գեղանկարիչ

Շաքե Վարթենիսյան

Օպերային երգչուհի

Սարգիս Հարությունյան

Բանասեր, ազգագրագետ

Ներսես Մկրտչյան

Լեզվաբան, արևելագետ

Ֆելիքս Բախչինյան

Գրականագետ, թարգմանիչ

Վազգեն Ասատրյան

Բաս-կիթառահար

Վահրամ Սահակյան

Դրամատուրգ, կինոռեժիսոր

Մարինա Սուլթանյան

Հաղորդավար, պրոդյուսեր

Միհրան Ծառուկյան

Երգիչ, դերասան

Արտակ Վարդանյան

Հաղորդավար, լրագրող

Նարե Գևորգյան

Երգչուհի

 

 

 

 

ՎԱՆՈ ԽՈՋԱԲԵԿՅԱՆ

Գծանկարիչ

14 հունվար, 1875 - 16 նոյեմբեր, 1922

Հովհաննես Խոջաբեկյան

Ծնվել է Թիֆլիսում: Սկսել է նկարել 14 տարեկանից: 1904թ-ից սովորել է Արվեստը խրախուսող ընկերության դպրոցում` որը չի ավարտել: 1916թ. սկսել է ցուցադրել գործերը: 1921թ. այցելել է Երևան և նկարել հայ գաղթականներին: Եղել է մանրավաճառ եղբոր աշակերտը, երկաթուղային սևագործ բանվոր, Թիֆլիսի թեյարանների, ճաշարանների, «Ունիոն» սրճարանի, Ռուսթավելու և փոքր թատրոնների բարապան, պահակ, նույնիսկ` գերեզմանափոր: Նկարել սկսել է մանկուց: 1904թ. ընդունվել է Թիֆլիսի գեղարվեստը խրախուսող կովկասյան ընկերության նկարչական դպրոց, բայց ընտանեկան ծանր պայմանների պատճառով չի ավարտել: 1916թ. մասնակցել է Թիֆլիսի Փառքի տաճարի (այժմ` Վրաստանի արվեստի թանգարան) պատկերահանդեսին: 1917թ. դարձել է Թիֆլիսի Հայ արվեստագետների միության անդամ, մասնակցել նրա ցուցահանդեսներին: Եղել է հին Թիֆլիսի ժողովրդական հանդեսների ու ժողովրդական խավերի նկարիչ-տարեգիրը (հարսանեկան, խրախճանային և ծիսական դրվագներ, տեսարաններ կինտոների, արհեստավորների, գյուղացիների կյանքից): Նկարչի կերպարները խոսում են, ունեն կենդանի նկարագիր: Շեշտված ողբերգականությամբ են տոգորված նրա կյանքի վերջին շրջանի` հայ գաղթականությանը պատկերող մատիտանկարները` «Գաղթականները հացի հերթում», «Որբանոցի բակում», «Գաղթականների պարը»: Շրջապատող կյանքի բազմազան երևույթների բարդ հյուսվածքում նշմարել ու ընդգծել է առավել էականը, այն, ինչ ցայտուն բնորոշում է պերսոնաժի (լինի հին Թիֆլիսի հարուստ թե կինտո, քելեխ ուտող, թե զուռնաչի, հարսանքավոր, թե Երևանի կամ Էջմիածնի գաղթական) և տեղական ու ազգային այլ առանձնահատկություններ: Մատիտանկարները պահպանվում են Հայաստանի ազգային պատկերասրահում, Վենետիկի Սբ. Ղազար կղզու թանգարանում, Վրաստանի արվեստի, Մոսկվայի Արևելքի ժողովուրդների արվեստի թանգարաններում և այլուր: Մահացել է Թիֆլիսում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար