Եփրեմ Սեթյան

Բանասեր, պատմաբան

Տրդատ Պալյան

Բանասեր, մատենագետ, բանահավաք

Արշակ Բրուտյան

Երգահավաք, գեղանկարիչ

Վահան Մալեզյան

Արձակագիր, թարգմանիչ, բանաստեղծ

Կառլեն Անանյան

Ճարտարապետ

Ռոզա Պետրոսյան

Բանաստեղծ, արձակագիր

Սուրեն Թադևոսյան

Կինոօպերատոր

Մարինե Մինասյան

Հաղորդավար, դերասանուհի

 

 

 

 

ՆՎԱՐԴ ԶԱՐՅԱՆ

Քանդակագործ

6 օգոստոս, 1917 - 31 հունվար, 2005

Ծնվել է Ֆլորենցիայում: Եղել է գրող Կոստան Զարյանի և դաշնակահար Թագուհի Շահնազարյանի դուստրը: Նկարչական հետաքրքրությունները սկսվել են 17 տարեկանում: Սովորել է Միլանի «Scuola di Brera» ակադեմիայում, ավարտել Վենետիկի «Liceo Artistico»-ի դասընթացները: Քանդակագործ Ադոլֆ Վիլդի խորհրդով թողել է նկարչությունը և զբաղվել քանդակագործությամբ: Սովորել է Հռոմի գեղեցիկ արվեստների ակադեմիայում, որտեղ աշակերտել է քանդակագործ Անջելո Ձանելլիին: 1935-40թթ սովորել է Վենետիկի գեղարվեստի ակադեմիայում, որտեղ աշակերտել է նկարիչ Բրունո Սայերիին: 1936թ. իտալական կառավարությունը նրան հատկացրել է օտարազգի ուսանողների համար սահմանված կրթաթոշակ: 1965թ-ից դասավանդել է Հռոմի գեղարվեստի լիցեյում: Երկրորդ համաշխարհային պատերազմի տարիներին գործուն մասնակցություն է ունեցել իտալական Դիմադրության շարժմանը: 1960թ. հոր` Կոստան Զարյանի հետ այցելել է Հայաստան: Առաջին անհատական ցուցահանդեսը բացվել է 1946թ. «Cortile» պատկերասրահում, երկրորդը` 1950թ. «Galleria dello Zodiaco» ցուցասրահում, ուր ներկայացված են եղել 18 քանդակ, փայտագրություն և գծանկար: Անհատական ցուցահանդեսներ է ունեցել Կոպենհագենում, Հռոմում, Վիեննայում, Օսլոյում, եվրոպական այլ քաղաքներում: 1964թ. Երևանում կազմակերպվել է նրա անհատական ցուցահանդեսը և 25 գործ նվիրել է Հայաստանի ազգային պատկերասրահին: Երկրորդ ցուցահանդեսը Երևանում տեղի է ունեցել 1970թ.: Քանդակներից են` «Մայրություն», «Արևին նայող կինը», «Նստած կինը», «Ցանկապատի ետևում» և այլն: Մահացել է Իտալիայի Սանտա Մարինելլա քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար