Ոսկան Տեր-Գրիգորյան

Բանասեր, աշուղագետ

Ազնիվ Հրաչյա

Դերասանուհի

Ակսել Բակունց

Արձակագիր, դրամատուրգ, թարգմանիչ

Հովիկ Էդգարյան

Երաժիշտ, բանաստեղծ

Նանսեն Միքայելյան

Բանաստեղծ, մանկագիր

Աշոտ Առաքելյան

Լուսանկարիչ, բժիշկ

Մարտին Շահբազյան

Լուսանկարիչ

Լևոն Ղալումյան

Ճարտարապետ

Նաիրուհի Ալավերդյան

Երգչուհի, պարուհի

Ռաֆիկ Հարությունյան

Պարող, պարուսույց

 

 

 

 

ՇԱՀԱՆ ՊԵՐՊԵՐՅԱՆ

Երաժշտագետ, փիլիսոփա

13 հունվար, 1891 - 9 հոկտեմբեր, 1956

Ծնվել է Կոստանդնուպոլսում: Եղել է բանաստեղծ, թարգմանիչ Ռեթեոս Պերպերյանի որդին, կոմպոզիտոր, դիրիժոր Օննիկ Պերպերյանի եղբայրը: Ավարտել է Կ.Պոլսի Պերպերյան վարժարանը, 1906-07թթ նույն վարժարանում դասավանդել է գրականություն և գիտություններ: 1908թ-ից Փարիզում հետևել է Սորբոնի համալսարանի փիլիսոփայության և արվեստների մասնաճյուղերի դասնթացներին: 1911-22թթ եղել է Պերպերյան վարժարանի տնօրենը: 1918թ. ընտրվել է Հայ ուսուցչական միության կեդրոնական վարչության ատենապետ, 1919թ.` Կետրոնական ուսանողական խորհրդի անդամ, գործուն մասնակցություն է ունեցել Կ.Պոլսի Հայ արվեստի տան (Հայարտուն) հիմնադրմանը, ստանձնել նախագահությունը: Հրապարակախոսական աշխատանք է տարել պոլսահայ մամուլում («Ոստան»), 1922թ. Գարեգին Գավաֆյանի, Վահան Թեքեյանի, Հակոբ Օշականի և Կոստան Զարյանի ընկերակցությամբ հրատարակել է «Բարձրավանք» գրական-գեղարվեստական հանդեսը: 1922թ. աշնանը մեկնել է Գերմանիա, Դրեզդենի դալկրոզյան հաստատությունում ուսումնասիրել պարարվեստ (1922-24թթ): 1924թ., Կահիրեում, եղբոր հետ վերաբացել է Պերպերյան վարժարանը: 1934թ. հրավիրվել Երուսաղեմի ժառանգավորաց վարժարան, Հակոբ Օշականի հետ հիմնել Հայ մշակութային միությունը (1940-47թթ): 1944թ-ից Անթիլիասի դպրեվանքում դասավանդել է փիլիսոփայություն: Լինելով Ա.Բերգսոնի աշակերտը` որոշ առարկաներ դասավանդել է իդեալիստական և կրոնական մեկնաբանությամբ: Հիմնել և ղեկավարել է Կահիրեի Պերպերյան վարժարանի (1924-34թթ) և Հայ գեղարվեստասիրաց միության (1932-34թթ) երգչախմբերը: Եղանակավորել է Հ.Թումանյանի, Ա.Իսահակյանի, Վ.Տերյանի, Դ.Վարուժանի, Վ.Թեքեյանի, Ռ.Սևակի, Հ.Օշականի, Ռ.Պերպերյանի և այլոց մի շարք բանաստեղծություններ, կատարել պարադրական ձևավորումներ: Հեղինակել է բազմաթիվ երաժշտագիտական հոդվածներ և «Կոմիտաս վարդապետ, անձը և գործը» (1936թ.), «Երկու ժամանակներ» (1943թ.) և այլ աշխատություններ: Մահացել է Փարիզում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար