ԱՐԱՐԱՏ ՀՈՎՍԵՓՅԱՆ

28 հունվար, 1928 - 21 մարտ, 2017

Ծնվել է ՀՀ Շիրակի մարզի Ցողամարգ գյուղում։ 1948-52թթ սովորել է Երևանի Փ.Թերլեմեզյանի անվան գեղարվեստի ուսումնարանի քանդակի բաժնում, 1952-58թթ` Երևանի գեղարվեստաթատերական ինստիտուտում: 1962թ-ից եղել է Հայաստանի նկարիչների միության անդամ: 1959թ-ից մասնակցել է մի շարք հանրապետական ցուցահանդեսների: Ստեղծագործել է դեկորատիվ մոնումենտալ ոճում։ Աշխատանքներից են` Ալեքսանդր Մյասնիկյանի (1966թ., Վանաձոր, բրոնզ), Բագրատ Ղարիբջանյանի (1968թ., գյուղ Ղարիբջանյան, բրոնզ) կիսանդրիները, «Հովհաննես Թումանյան» դիմաքանդակ-հուշարձան իր անվան դպրոցի դիմաց (1969թ., 3 նատուրա, բազալտ, Գյումրի), «Արտյոմ Պետրոսյան» դիմաքանդակ- հուշարձանը իր անվան դպրոցի դիմաց (1970թ., 3 նատուրա, ճարտարապետ` Ռաֆիկ Եղոյան, Գյումրի, գրանիտ), հարթաքանդակներ «Սասունցի Դավթի» թեմաներով (1971թ., 2 պար, 17 քմ, տուֆ, քար), 1941-45թթ զոհերին նվիրված հուշարձան (1976թ., Շենավան գյուղ, կնոջ հաղթական ֆիգուրա, կոփածո, պղինձ, բարձրությունը 5 մ, հարթաքանդակներ, համահեղինակ` Գրիգոր Գևորգյան, կոփածո պղինձ), Ալեքսեյ Պապովի, Հովհաննես Ադամյանի դիմաքանդակները (1979թ., 2 նատուրա, բրոնզ, Երևանի Ռադիոտուն), «Երաժշտություն» բարձրաքանդակը (1980թ., կոփածո պղինձ, 10x5 մ, Երևանի Ա.Տիգրանյանի անվան երաժշտական դպրոց, համահեղինակ` Գրիգոր Գևորգյան), «Մեսրոպ Մաշտոց» հարթաքանդակը և 8 հայ գրողների դիմաքանդակները (1981թ., Երևան), «Կենդանակերպի նշաններ» շատրվան-քանդակը (1982-85թթ, բրոնզ, Երևանի Շ.Ազնավուրի հրապարակ), «Գորանի» (1983թ., Երևանի Մոսկվա կինոթատրոն, թրծած շամոտ, համահեղինակ` Վլադիմիր Աթանյան), «Զեյթունցիներ» հարթաքանդակները (1984թ., համահեղինակ` Վլադիմիր Աթանյան, ճարտարապետ` Էդուարդ Սաֆարյան, տուֆ), Արմենակ Արմենակյանի կիսանդրին իր անվան դպրոցի առջև (2001թ., 2 բնական մեծություն, բրոնզ) և այլն: Մահացել է Երևանում: