Դավիթ Թրյանց

Դերասան

Էմմա Ստեփանյան

Դերասանուհի

Անահիտ Ցիցիկյան

Ջութակահար, երաժշտագետ

Ալբերտ Յավուրյան

Կինոօպերատոր

Աննա Վարդանյան

Դերասանուհի

Արման Սաղաթելյան

Հաղորդավար

Ժակ

Հաղորդավար

Միքայել Ոսկանյան

Թառահար, կոմպոզիտոր

Գրիգոր Կյոկչյան

Երգիչ, երգահան, դաշնակահար

 

 

 

 

ԴԱՐԻԱ ԿԱՄՍԱՐԱԿԱՆ

Քանդակագործ, արձակագիր

24 ապրիլ, 1902 - 1 մարտ, 1986

Դարուհի Կամսարական

Ծնվել է Եգիպտոսի Ալեքսանդրիա քաղաքում: Եղել է Տիգրան Կամսարականի եղբոր աղջիկը: Կրթությունն ստացել է ֆրանսիական դպրոցում: Հայերեն սովորել է հայտնի մանկավարժ Էլպիս Կեսարացյանից: Երիտասարդ հասակից հետևել է գրականության: Ականատես լինելով Մուսա Լեռան խիզախ մարտիկների կյանքին Պորտ Սաիդում, գրել է «Արյան ճակատագրականությանը» ֆրանսերեն վիպակը, որը լույս է տեսել նաև հայերեն, Կահիրեի «Արև» օրաթերթում, Միքայել Կյուրճյանի թարգմանությամբ: 1920-ական թվականների կեսերին մեկնել է Փարիզ, սովորել տեղի Գրան Շոմիեր ակադեմիայում` աշակերտելով Անտուան Բուրդելին: 1935թ. Փարիզում կազմակերպվել է նրա անհատական առաջին ցուցահանդեսը, որն իր վրա է հրավիրել ֆրանսիական մամուլի ուշադրությունը: Հետագայում ցուցահանդեսներ է կազմակերպել տարբեր պատկերասրահներում: Նրա քանդակներից մի քանիսը արժանի տեղ են գրավում Փարիզի արդիական արվեստի թանգարանում, ինչպես և Եգիպտոսի թանգարաններում: Մեծ հետաքրքրություն են առաջացրել մասնավորապես նրա 1952թ. և 1958թ. ցուցահանդեսները: Աչքի ընկնող քանդակներից են Սաշա Պիտոևի, Շառլ Էթիենի, Ռոժե Վայանի, Ժան Ֆոլզենի և այլոց կիսանդրիները, «Ողջույն խախաղության» քանդակը և այլն: Հեղինակ է «Ճամփորդություն արվեստի հետ» (1957թ., ֆրանսերեն) վեպի: 1965թ. Փարիզում լույս է տեսել նրա «Հրեղեն օղակ» ֆրանսերեն վեպը: Գրական անունն է «Անն Սարակ»: Եղել է Ֆրանսիայի Դիմադրության շարժման մասնակից: Այցելել է նաև Հայաստան: Մահացել է Փարիզում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար