Գարեգին Կուզիկյան

Պետական գործիչ, լրագրող

Ստեփան Թարյան

Գեղանկարիչ, քանդակագործ

Արաքսի Սարյան

Երաժշտագետ, արվեստաբան

Էլվիրա Մնացականյան

Բալետի արտիստ, պարուսույց

Մարիամ Հակոբյան

Քանդակագործ

Արթուր Մոլիտվին

Բաս-կիթառահար

Լիզա Բարսեղյան

Դերասանուհի

Գրիգորի Ալոնց

Պարող, պարուսույց

 

 

 

 

ՍՏԵՓԱՆ ՔՅՈՒՐՔՉՅԱՆ

Ճարտարապետ

7 հունվար, 1929 - 1 հուլիս, 2004

Ծնվել է ՌԴ Կրասնոդարի երկրամասի Արմավիր քաղաքում: Եղել է քանդակագործ Ռուզան Քյուրքչյանի ամուսինը: 1954թ. ավարտել է Երևանի պոլիտեխնիկական ինստիտուտի ճարտարապետական բաժինը, ուր դասավանդել է մինչև 1969թ.: 1958թ-ից աշխատել է Երևաննախագիծ ինստիտուտում, որտեղ 1968թ-ից եղել է ճարտարապետական արվեստանոցի ղեկավար: Նրա նախագծերով Երևանում կառուցվել են` ՀՀ ԳԱԱ Ագրոքիմիայի ինստիտուտը (1963թ.), Կամերային երաժշտության տունը (1977թ.), Երևանի մետրոպոլիտենի «Երիտասարդական» կայարանը (1981թ.), «Ալգորիթմ» ԳՀ կենտրոնը (1985թ.), Սբ. Գրիգոր Լուսավորիչ Մայր եկեղեցին (2001թ., ՀՀ Պետական մրցանակ` 2001թ.), Դիլիջանում՝ Երևաննախագիծ ինստիտուտի հանգստյան տունը (1963թ.): Հեղինակ է նաև մի շարք հուշարձանների` Վարդան Մամիկոնյանի հուշարձան (Երևան, 1975թ.), Րաֆֆու (1988թ.), Ծովակալ Իսակովի (1988թ.), Հովհաննես Այվազովսկու հուշարձան (Երևան, 2003թ.), Վիկտոր Համբարձումյանի (1988թ., Վարդենիս), 1941-45թթ Հայրենական Մեծ պատերազմում զոհված մարտիկների (Արճիս, Երևան, Ավան) հուշարձանների ճարտարապետական մասի, Թորոս Թորամանյանի երկու հուշատախտակների` Երևանում և Լենինականում, Վահան Տերյանի, Լեոյի, Վահրամ Փափազյանի, Հրաչյա Ներսիսյանի, Արամ Խաչատրյանի, Հրաչյա Ղափլանյանի տապանաքարերի (1970-80-ական թվականներ, Երևանի Կոմիտասի անվան զբոսայգու պանթեոն), ՀՀ Սուրբ Մեսրոպ Մաշտոցի շքանշանի, Մխիթար Հերացու, Անանիա Շիրակացու մեդալների (երեքն էլ` 1993թ.), Պատվո շքանշանի (2000թ.): 1995թ. դարձել է «Տարվա լավագույն նախագիծ» միջազգային ստուգատեսի Մեծ մրցանակակիր: 1993թ. ճարտարապետության և գրաֆիկական աշխատանքների անհատական ցուցահանդես է ունեցել Երևանում: 1976թ. արժանացել է Հայաստանի վաստակավոր ճարտարապետի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար