ՇԱՆԹ ՀԵՐԹԵՎՑՅԱՆ

22 մայիս, 1922 - 4 հուլիս, 1985

Ծնվել է Ալեքսանդրապոլում (այժմ` Գյումրի): 1943թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1950թ.` Երևանի գեղարվեստաթատերական ինստիտուտը: Նույն թվականից դասավանդել է ինստիտուտում (1983թ-ից` պրոֆեսոր): Հեղինակել է հեղափոխական և ժամանակակից թեմատիկայով կոմպոզիցիոն կտավներ, հոգեբանական խտացումներով բնորոշվող դիմանկարներ, գեղեցիկ ու ինքնատիպ բնապատկերներ, նատյուրմորտներ: Լավագույն գործերից են` «Սուրեն Սպանդարյանը աքսորավայրում» (1960թ.), «Մարտից հետո» (1964թ.), «Էտապ» (1967թ.), «Ծերունու դիմանկար» (1965թ.), «Փամբուհ տատը» (1967թ.), «Ավետիք Իսահակյան», «Շիրվանզադե», «Պետրոս Ադամյան», «Գարուն», «Սարեր», «Արագած», «Խնձորեսկ», «Ծաղիկներ», «Կակաչներ», «Դեղձեր» և այլն: 1950թ-ից մասնակցել է հանրապետական և միջազգային ցուցահանդեսների: 1967թ. արժանացել է Հայաստանի վաստակավոր նկարչի, 1983թ.` արվեստի վաստակավոր գործչի կոչումներին: Մահացել է Երևանում: