Գաբրիել Ավետիքյան

Լեզվաբան, բառարանագիր, բանասեր, աստվածաբան

Երվանդ Օտյան

Արձակագիր, երգիծաբան, լրագրող

Բագրատ Բորյան

Պատմաբան

Ռոմանոս Մելիքյան

Կոմպոզիտոր, դիրիժոր

Ալեքսանդր Սարուխան

Ծաղրանկարիչ

Կարեն Խաչատրյան

Կոմպոզիտոր

Օգոստինոս Սեքուլյան

Բնագրագետ, լրագրող

Հայկ Յաղճյան

Դիրիժոր

Լուսինե Մուրադյան

Հաղորդավար, լրագրող

Անի Ամիրյան

Հաղորդավար

 

 

 

 

ՍՈՒՐԵՆ ՍԱՖԱՐՅԱՆ

Գեղանկարիչ

21 օգոստոս, 1923 - 22 ապրիլ, 1988

Ծնվել է Բաքվում: Եղել է բեմանկարիչ Սարգիս Սաֆարյանի որդին: 1942թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1952թ.` Երևանի գեղարվեստաթատերական ինստիտուտը: 1962թ-ից դասավանդել է նույն ինստիտուտում (1978-ից` պրոֆեսոր): 1969-82թթ եղել է Հայաստանի նկարիչների միության վարչության նախագահը: Առաջին շրջանի գործերը կրել են Հայրենական Մեծ պատերազմի մասնակից նկարչի վերհուշ-տպավորությունների կնիքը («Հայրենի մեղեդիներ», 1956թ.): Պատերազմի թեման արտահայտվել է նկարչի ստեղծագործական կյանքի տարբեր շրջաններում («Ազատարարները», 1960թ., «1945-ի գարնանը», 1964թ., «Կռունկներ», 1979թ.): 1971թ. պարգևատրվել է Վ.Գրեկովի անվան արծաթե մեդալով: 1960-ական թվականներից ավելի հաճախ է անդրադարձել մարդու և ժամանակի, ընդհանրապես հայ ժողովրդի պատմական ճակատագրի թեմային` «Հանուն գալիքի» (1960թ.), «Սայաթ-Նովա» (1963թ.), «Տաթևի ողբերգությունը» (1967թ.), «Լեռների պարը» (1972թ.), «Հինավուրց հուշարձաններ» (1973թ.), «Եռանկյունի նամակներ» (1980թ.): Գործերին բնորոշ են քաղաքացիական շունչը, բանաստեղծական նուրբ ինտոնացիան` համակված պլաստիկ ձևերի ու գունաշարի հուզաարտահայտչական տարրերով: Ստեղծել է նաև դիմանկարներ` «Եղիշե Չարենց» (1959թ.), «Ձկնորս Արշակը» (1962թ.), «Պարտիզպան Մանուկյանը» (1966թ.), «Սիկեյրոսը Հայաստանում» (1973թ.), բնանկարներ` «Չինար» (1963թ.), «Գարուն» (1969թ.), «Արարատը գարնանը» (1971թ.), արտասահմանյան ճանապարհորդությունների թեմաներով գեղանկարչական և գրաֆիկական գործեր, կատարել գրքերի ձևավորումներ: Մասնակցել է հանրապետական և միջազգային ցուցահանդեսների: Անհատական ցուցահանդեսներ է ունեցել Էջմիածնում (1969թ.), Լենինականում (Գյումրի), Դիլիջանում (1970թ.), Երևանում (1974թ., 1981թ.), Մոսկվայում (1981թ.), Սիրիայում (1982թ.): Գործերը գտնվում են Հայաստանի ազգային պատկերասրահում և նրա մասնաճյուղերում, Մոսկվայի Տրետյակովյան պատկերասրահում, Արևելքի ժողովուրդների արվեստի թանգարանում: Եղել է ՀԽՍՀ 7-րդ և 10-րդ գումարումների Գերագույն սովետի դեպուտատ: Պարգևատրվել է Աշխատանքային կարմիր դրոշի և «Պատվո նշան» շքանշաններով: 1977թ. արժանացել է Հայաստանի ժողովրդական նկարչի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար