Գալուստ Կոստանդյան

Հրապարակախոս, փիլիսոփա, բնագետ

Արա Պարթևյան

Կոմպոզիտոր, դիրիժոր

Պետրոս Զարոյան

Դրամատուրգ, արձակագիր, գրականագետ

Գրիկեր

Պատմաբան

Շահեն Հակոբյան

Բեմանկարիչ

Էլվիրա Ուզունյան

Օպերային երգչուհի, դերասանուհի

Ավետիս Խաչատրյան

Գեղանկարիչ

Գոռ Սարգսյան

Բալետի արտիստ

Չորս Տարբերակ

Փոփ խումբ

 

 

 

 

ՌՈՒԴՈԼՖ ԽԱՉԱՏՐՅԱՆ

Գեղանկարիչ

4 մարտ, 1937 - 15 օգոստոս, 2007

Ծնվել է Երևանում: 1951թ. մի քանի ամիս սովորել է Երևանի Փ.Թերլեմեզյանի անվան գեղարվեստի ուսումնարանում: 1955թ-ից մասնակցել է հանրապետական և միջազգային ցուցահանդեսների: 1957թ. և 1959թ. Երևանում արժանացել է բրոնզե շքանշանի, 1965թ.` արծաթե մրցանակի: 1971թ-ից բնակվել է Մոսկվայում, 1989-94թթ` Լոնդոնում: Ստեղծագործել է գրաֆիկայի և գեղանկարչության բնագավառներում: Ստեղծել է դիմանկարներ, նատյուրմորտներ, բնանկարներ` «Մայրություն» (1965թ.), «Կնոջ դիմանկար» (1973թ.), «Հենրիկ Իգիթյանի դիմանկարը» (1982թ.): Առաջինն է լևկասի վրա սեպիայի ու սանգինայի օգնությամբ ստեղծել գեղանկարչական գործեր` «Ինքնանկար» (1981թ.), «Վարդերով նատյուրմորտ» (1983թ.), «Հրանտ Մաթևոսյանի դիմանկարը» (1986թ.), «Գրիգոր Նարեկացի» (1988թ.) և այլն: 1960թ-ից եղել է Հայաստանի նկարիչների միության անդամ: Անհատական ցուցահանդեսներ է ունեցել Մոսկվայում (1978թ., 1984թ., 1993թ., 1997թ., 2002թ., 2004թ.), Սանկտ Պետերբուրգում (1979թ.), Օդեսայում (1979թ.), Լոս Անջելեսում (1985թ.), Լոնդոնում (1990թ.), Երևանում (1980թ., 1983թ., 1988թ., 1997թ.): 1997թ. ծննդյան 60-ամյակի առթիվ ՌԴ նախագահի կողմից պարգևատրվել է «Ժողովուրդների բարեկամության» շքանշանով: 1999-2001թթ մասնակցել է Ռուսաստանի հայերի միության ստեղծմանը: 2002թ. ընտրվել է Ռուսաստանի գեղարվեստի ակադեմիայի թղթակից-անդամ: Աշխատանքները գտնվում են Հայաստանում և նրա սահմաններից դուրս` ազգային պատկերասրահներում և պետական թանգարաններում, ինչպես նաև Հայաստանի և աշխարհի շատ երկրների բազմաթիվ մասնավոր հավաքածուներում: Արժանացել է մի շարք մրցանակների և շքանշանների` Երիտասարդության և ուսանողների համաշխարհային 7-րդ փառատոնի (1959թ., Վիեննա) ցուցահանդեսի բրոնզե մեդալ, ՀՀ մշակույթի նախարարության 1-ին մրցանակ (1969թ.), Անդրկովկասյան հանրապետությունների 1-ին բիենալեի ոսկե մեդալ (1986թ., Թբիլիսի), ՀՀ «Մովսես Խորենացի» մեդալ (2003թ.), «Ֆրանց Կաֆկա» եվրոպական ընկերության ոսկե մեդալ (2003թ.): 1977թ. արժանացել է Հայաստանի վաստակավոր, 1984թ.` ժողովրդական նկարչի կոչման: Մահացել է Բեռլինում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար