Սամվել Գանթարյան

Բառարանագիր, թարգմանիչ

Սեդրակ Մանդինյան

Դերասան, գրող

Ստեփան Լիսիցյան

Ազգագրագետ, պատմաբան, թարգմանիչ

Դավիթ Չիսլյան

Ճարտարապետ

Էլիզա Գյուլեսերյան

Դերասանուհի, մանկավարժ

Տիգրան Սիմոնյան

Գեղանկարիչ

Գրիգոր Ազիզյան

Գեղանկարիչ

Շաքե Վարթենիսյան

Օպերային երգչուհի

Սարգիս Հարությունյան

Բանասեր, ազգագրագետ

Ներսես Մկրտչյան

Լեզվաբան, արևելագետ

Ֆելիքս Բախչինյան

Գրականագետ, թարգմանիչ

Վազգեն Ասատրյան

Բաս-կիթառահար

Վահրամ Սահակյան

Դրամատուրգ, կինոռեժիսոր

Մարինա Սուլթանյան

Հաղորդավար, պրոդյուսեր

Միհրան Ծառուկյան

Երգիչ, դերասան

Արտակ Վարդանյան

Հաղորդավար, լրագրող

Նարե Գևորգյան

Երգչուհի

 

 

 

 

ԹՈՎՄԱՍ ԹԵՐԶՅԱՆ

Բանաստեղծ, դրամատուրգ

21 հոկտեմբեր, 1840 - 8 փետրվար, 1909

Ծնվել է Կոստանդնուպոլսում: Մայրը եղել է իտալուհի, հայրը՝ հունախոս կաթոլիկ հայ։ Տասը տարեկան հասակում ընդունվել է Պերայի Մխիթարյանների վարժարան, որտեղ մի տարի սովորելուց հետո ուղարկվել է Վենետիկի Մուրատ-Ռափայելյան վարժարան: Այստեղ ստացել է հիմնավոր կրթություն` հմտանալով գրաբարի, իտալերենի, ֆրանսերենի և հունարենի մեջ։ Իմացել է նաև անգլերեն, թուրքերեն և այլ լեզուներ։ 1858թ. վերադարձել է Կ.Պոլիս, աշխատել Կեդրոնական վարժարանում` որպես հայոց լեզվի և ֆրանսերենի ուսուցիչ։ Նրան աշակերտել են Եղիա Տեմիրճիպաշյանը, Գրիգոր Զոհրապը, Երուխանը, Օննիկ Չիֆթե-Սարաֆը և ուրիշներ։ Կեդրոնական վարժարանի բացման առաջին տարուց պաշտոնավարել է այնտեղ։ Լույս են տեսել գրողի «Հռիփսիմէ», «Սանդուխտ» (1862թ., բազմիցս բեմադրվել է) ողբերգությունները, «Յովսէփ գեղեցիկ» (1872թ.) դրաման: Գրել է Տ.Չուխաճյանի «Արշակ Բ» օպերայի լիբրետոն (1868թ.), որը հրատարակվել է 1871թ., առաջինը հայ իրականության մեջ հայերեն և իտալերեն լեզուներով: Թարգմանել է Անակրեոնի բանաստեղծությունները՝ հին հունարենից, կազմել ֆրանսերենի դասագրքեր` «Նոր քերականութիւն գաղղիերէն լեզուի» (1868թ.), «Գործնական քերականութիւն ֆրանսերէն լեզուի» (1873թ.) և այլն, որոնցից մի քանիսը արժանացել են հինգից վեց տպագրության: 1929թ. Վենետիկում լույս է տեսել նրա երկերի ժողովածուն, երկու ստվար հատորով, որտեղ տեղ են գտել ինքնուրույն և թարգմանական մի շարք անտիպ գործեր։ Հատորը հրատարակվել է Արշակ Չոպանյանի ընդարձակ առաջաբանով և ծանոթագրություններով։ Մահացել է Կոստանդնուպոլսում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար