ԳՈՒՐԳԵՆ ՋԱՆԻԲԵԿՅԱՆ

Կինոռեժիսոր, կինոօպերատոր

Ծնվել է 1982թ. ապրիլի 20-ին, Երևանում: Դերասան Կարեն Ջանիբեկյան և դրամատուրգ Անահիտ Աղասարյանի որդին է, դերասան Սոս Ջանիբեկյանի եղբայրը: Միջնակարգ դպրոցն ավարտելուց հետո, ընդունվել է Երևանի Խ.Աբովյանի անվան պետական մանկավարժական համալսարանի կինոյի և ֆոտոյի բաժին: Մշտական աշխատանքը կապված է եղել նկարահանման հետ: Աշխատել է որպես հեռուստատեսային ծրագրերի օպերատոր: 2002-03թթ աշխատել է «ԱրմենԱկոբ» հեռուստաընկերությունում, 2003-05թթ` ՀՀ պաշտպանության նախարարության «Զինուժ» լրատվական ծրագրում, 2006-07թթ` «Արմենիա», 2007-08թթ` «Շանթ», 2008-13թթ` «Շողակաթ» հեռուստաընկերություններում: 2004թ. նկարահանել է իր առաջին` «Վճռական մարդը» կարճամետրաժ ֆիլմը, որով նույն տարի մասնակցել է «Ես եմ» միջազգային երիտասարդական կինոփառատոնին: 2010թ. նկարահանել է երկրորդ ֆիլմը` «Վերջը սկիզբն է»: Այս կարճամետրաժով 2010թ. մասնակցել է «Ոսկե Ծիրան» 7-րդ միջազգային կինոփառատոնին, 2011թ.` Վրաստանում անցկացվող «Ոսկե աչք» օպերատորների 3-րդ միջազգային փառատոնին` արժանանալով «Նորարարական հայացք» հատուկ մրցանակի, իսկ 2012թ.` «Ես եմ» միջազգային երիտասարդական կինոփառատոնին` ստանալով Հայաստանի կինեմատոգրաֆիստների միության «Նուարդ» մրցանակը: 2013թ. նկարահանած երրորդ` «Պեպիտտո» կարճամետրաժ ֆիլմով մասնակցել է «Ոսկե Ծիրան» 10-րդ միջազգային կինոփառատոնին: Որպես օպերատոր մասնակցել է նաև մի շարք ֆիլմերի ստեղծմանը` «Տան բնակիչները» (2009թ.), «Ավելորդը» (2010թ.), «Ռոմեո և Ջուլիետ» (2011թ.), «Լյալիկ» (2013թ.): 2013թ. հիմնել և ղեկավարում է «Bek Art» ֆիլմարտադրող ստուդիան: Հայստանի կինեմատոգրաֆիստների միության անդամ է:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար