Սուքիաս Պարզյան

Բանասեր, եկեղեցական գործիչ

Աշ-Մաթ

Դերասան, բեմադրիչ

Տիգրան Դավթյան

Քանդակագործ

Արշա Օվանեսովա

Կինոռեժիսոր

Վազգեն Տալյան

Բանաստեղծ, թարգմանիչ

Ամալյա Արազյան

Դերասանուհի

Նինել Դալլաքյան

Դերասանուհի

Գագիկ Ղազարյան

Քանդակագործ

Էլլա Տարունց

Երգչուհի

Վաչե Երիցյան

Դերասան

 

 

 

 

ՍՏԵՓԱՆ ԱԼԱՋԱՋՅԱՆ

Արձակագիր, թարգմանիչ

3 հունվար, 1924 - 23 դեկտեմբեր, 2010

Ծնվել է Սիրիայի Հալեպ քաղաքում: Տեղի քոլեջն ու Բեյրութի ամերիկյան համալսարանն ավարտելուց հետո, 1946թ. տեղափոխվել է Հայաստան ու սովորել Երևանի պետական համալսարանի բանասիրական, հոգեբանության և տրամաբանության բաժիններում: Այնուհետև ուսումը շարունակել է Մոսկվայի երկամյա գրական բարձրագույն դասընթացներում: Երևան վերադառնալուց հետո աշխատել է «Սովետական գրականություն» ամսագրի խմբագրությունում, այնուհետև` «Հայպետհրատում», որից հետո նշանակվել է Հայաստանի գրողների միության վարչության քարտուղար: Գրել սկսել է վաղ հասակից և տպագրվել է Սիրիայի ու Լիբանանի գրական մամուլում: Նրա գրական առաջին գործը՝ «Ծովուն երգը», լույս է տեսել 1939թ., Բեյրութի «Պատանեկան արձագանք» պարբերականում, իսկ առաջին գիրքը` «Վշտի ծաղիկները»՝ 1942թ., Հալեպում: 1946թ-ից եղել է Հայաստանի գրողների միության անդամ: Հրատարակվել են նաև նրա «Անապատում» 1953թ., «Պարտություն» (վիպակ, 1957թ.), «Այգիների աշխարհում» (ակնարկ Արտաշատի շրջանի Աբովյան գյուղի այգեգործ-բրիգադավար Վահագն Ալավերդյանի մասին, 1961թ.), «Փյունիկ» (վիպակ, 1962թ.), «Առանց հայրենիքի» (վիպակ, 1963թ.), «Արծիվն ու հովիվը» 1964թ., «Եղեգները չխոնարհվեցին» (վեպ, 1966թ., 1967թ., 1970թ.), «Մադլենն ապրում է Փարիզում» (պատմվածքներ, 1975թ.), «Անառագաստ նավակներ» (վիպակ, 1978թ.), «Ապառաժները արտասվել գիտեն» (վիպակ, 1980թ.), «Ոսկեգույն ծիրկաթին» (վիպակներ, 1981թ.), «Եղեգները չխոնարհվեցին։ Անառագաստ նավակներ» (վեպ, վիպակ, 1984թ.), «Չսպիացած վերք» (վեպ, 3 գիրք, 1989թ., 1990թ., 1995թ.), «Լուսաւորեալ խորաններ» (Հուշագրություն, 1993թ.), «...և Ատրուշաններ» (Հուշագրություն, 1995թ.), «Ճամփեզրի վրա» 1998թ., «Վաթսունականք» 2002թ., «Ձայն բազմաց...» 2008թ., «Յորձանուտը» (հուշեր, 2009թ.) և այլ գրքեր: «Եղեգները չխոնարհվեցին» վեպը, որը նվիրված է Հայոց ցեղասպանությունից (1915թ.) փրկվածներին, պատմում է Զեյթունի վերջին հերոսամարտի մասին: Եղել է եվրոպական գրողների «Փեն» ակումբի անդամ, 1981-86թթ՝ Հայաստանի մշակույթի նախարարության Ե.Չարենցի անվան գրականության և արվեստի թանգարանի տնօրենը: Գրողի շատ ստեղծագործություններ թարգմանվել են անգլերեն, ֆրանսերեն, չեխերեն, բուլղարերեն, էստոներեն, ուզբեկերեն և այլ լեզուներով։ Անգլերենից եւ ֆրանսերենից թարգմանել է Վիլյամ Շեքսպիրի, Վիլյամ Սարոյանի, Հերբերտ Ուելսի, Ժան Պոլ Սարտրի և այլոց գործերից: «Հայաստան» հրատարակչությունում նրա նախաձեռնությամբ սկսել են հրատարակվել «Սփյուռքահայ գրողներ» և «Հայ մատենագիրներ» շարքերը: Գրողի սցենարով 1980թ. «Հայֆիլմ» կինոստուդիան նկարահանել է «Կտոր մը երկինք», իսկ 1984թ.` «Ճերմակ անուրջներ» գեղարվեստական կինոնկարները: 2001թ. բնակություն է հաստատել ԱՄՆ-ում: Պարգևատրվել է Աշխատանքային գերազանցության կրծքանշանով, «Պատվո նշան» և Ժողովուրդների բարեկամության շքանշաններով: 1970թ. արժանացել է Հայաստանի մշակույթի վաստակավոր գործչի կոչման, 2008թ.՝ ՀՀ մշակույթի նախարարության ոսկե մեդալի: Մահացել է Լոս Անջելեսում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար