Ստեփանոս Ագոնց

Հայագետ, աշխարհագրագետ, եկեղեցական գործիչ

Նինա Ղորղանյան

Օպերային երգչուհի

Թադեոս Էֆենդի

Երգահան, ջութակահար, քանոնահար

Ֆրեյդուն Աղալյան

Ճարտարապետ

Օննիկ Ավետիսյան

Գեղանկարիչ, արվեստաբան

Գոհար Ֆերմանյան

Գեղանկարչուհի

Ալեքսանդրու Շահիկյան

Արձակագիր, բանաստեղծ, դրամատուրգ

Գուրգեն Գաբրիելյան

Դերասան, ռեժիսոր

Զարեհ Մուրադյան

Բալետի արտիստ, պարուսույց

Վարդուհի Խաչատրյան

Օպերային երգչուհի

Աննա Մնացականյան

Օպերային երգչուհի

 

 

 

 

ՎԱՀՐԱՄ ԲԱԲԱՅԱՆ

Կոմպոզիտոր, դաշնակահար

Ծնվել է 1948թ. օգոստոսի 19-ին, Երևանում: Առաջին ստեղծագործությունները գրել է 6 տարեկանում, իսկ 9 տարեկանում` Սիմֆոնիա լարային նվագախմբի համար: 1972թ. ավարտել է Երևանի Կոմիտասի անվան պետական կոնսերվատորիայի դաշնամուրային բաժինը՝ Վահե Ահարոնյանի դասարանը, 1973թ.` կոմպոզիցիայի բաժինը՝ Գրիգոր Եղիազարյանի դասարանը: Նույն թվականից դարձել է ԽՍՀՄ կոմպոզիտորների միության անդամ: Ստեղծագործել է բոլոր ժանրերում: Երկերից են` «Օտարականը» (1970թ.), «Բեթհովենի նամակները» (1977թ.), «Համլետ» (1990թ.), «Liramlarum» (2002թ.), «Երգ սիրո և գեղեցկության մասին» (2003թ.), «Մուսա լեռան 40 օրը» (2004թ.) օպերաները, «Պիգմալիոն» (1975թ.), «Պան» (1977թ.), «Դեպի Լույս» (1995թ.), «Փոքրիկ իշխանը» (1998թ.) բալետները, «Քրիստոսը խոսում է» (1991թ.), «Քրիստոսի կյանքից» (1995թ.) օրատորիաները, 9 սիմֆոնիա, 2 սիմֆոնիկ պոեմ, բազմաթիվ կոնցերտներ (5-ը` դաշնամուրի համար), 3 կամերային սիմֆոնիա, Սիմֆոնիա հարվածային գործիքների համար, 4 երգչախմբային սիմֆոնիա, ստեղծագործություններ լարային նվագախմբի համար, 7 լարային կվարտետ, դաշնամուրային կվարտետ, փողային կվինտետ, դաշնամուրային տրիո, բազմաթիվ սոնատներ տարբեր գործիքների համար (7-ը` դաշնամուրի համար), վոկալ շարքեր, երաժշտություն երեխաների համար և այլն: Նրա ստեղծագործությունները հնչել են աշխարհի մի շարք երկրներում` ԱՄՆ, Գերմանիա, Ավստրիա, Ֆինլանդիա, Անգլիա, Ճապոնիա, Արգենտինա, Իտալիա, Ֆրանսիա, Շվեյցարիա, Հունգարիա, Ռումինիա, Ռուսաստան և այլն, բազմաթիվ հեղինակավոր փառատոներում և համերգներում: Լինելով նաև դաշնակահար, ելույթներ է ունեցել 10-ից ավելի երկրներում: Նրա ստեղծագործություններն առանձնանում են հոգեբանական խորությամբ, ինքնատիպ աշխարհայացքով և փիլիսոփայականությամբ: Ստեղծագործական վաղ շրջանին հատուկ է ավանգարդիստական կողմնորոշումը, միջին շրջանում կոմպոզիտորը հակվում է դեպի նեոռոմանտիզմ, հասուն շրջանում` դեպի էքսպրեսիոնիզմ: 1998թ-ից Հայաստանում կազմակերպվել են Վահրամ Բաբայանի երաժշտության փառատոներ: Ստեղծագործությունները հրատարակվել են Ֆրանսիայում, Անգլիայում, Ռուսաստանում և Հայաստանում: Հեղինակել է երաժշտական խնդիրների վերաբերյալ բազմաթիվ հոդվածներ: Դասավանդում է Երևանի Կոմիտասի անվան պետական կոնսերվատորիայում: 1975թ. Ա.Իսահակյանի 100-ամյակին նվիրված հանրապետական մրցույթում նրա Երրորդ սիմֆոնիան, ըստ բանաստեղծի «Աբու-Լալա Մահարի» պոեմի, արժանացել է մրցանակի: 1982թ. արժանացել է Հայաստանի Լենինյան կոմերիտմիության մրցանակի դափնեկրի կոչման: Դարձել է նաև «Թեքեյան» մշակութային միության «Վահան Թեքեյան» միջազգային մրցանակի դափնեկիր` 2009թ. Յոթերորդ` «Լայպցիգյան» լարային կվարտետի համար: Նույն թվականին նրա «Hymne» դաշնամուրի և լարային նվագախմբի համար ստեղծագործությունն արժանացել է Համաշխարհային հայկական կոնգրեսի, Ռուսաստանի Հայերի միության «Լավագույն ստեղծագործության համար» մրցանակի: 2011թ. պարգևատրվել է ՀՀ մշակույթի նախարարության ոսկե մեդալով: 2014թ. արժանացել է Հայաստանի արվեստի վաստակավոր գործչի կոչման:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար