Արշավիր Մելիքյան

Հրապարակախոս, պետական գործիչ

Ալեքսանդր Մյասնիկյան

Պետական գործիչ, գրականագետ

Գաբրիել Արու

Դրամատուրգ, արձակագիր, թարգմանիչ

Արամ Արման

Բանաստեղծ

Արարատ Հովսեփյան

Քանդակագործ

Խաչիկ Շիրակյան

Քամանչահար

Հրաչյա Պողոսյան

Ճարտարապետ

Լաուրա Գևորգյան

Դերասանուհի

Արամ Հայթյան

Պատմաբան

Սվետլանա Խանումյան

Ասմունքող, փիլիսոփա

Արմեն Թութունջյան - Չիկո

Թմբկահար, ջազմեն, հաղորդավար

Աշոտ Աղաբաբյան

Արձակագիր, լրագրող

Արթուր Բախտամյան

Հաղորդավար, ռեժիսոր

Նիկոլ Աղաբաբյան

Գեղանկարիչ

 

 

 

 

ՍԵԴՐԱԿ ԵՐԿԱՆՅԱՆ

Դաշնակահար, դիրիժոր

Ծնվել է 1954թ. նոյեմբերի 29-ին, Լենինականում (այժմ՝ Գյումրի): Կոմպոզիտոր Երվանդ Երկանյանի եղբայրն է: Սովորել է տեղի երաժշտական դպրոցում: 1978թ. ավարտել է Երևանի Կոմիտասի անվան պետական կոնսերվատորիայի դաշնամուրային, 1992թ.` դիրիժորության բաժինները: Մասնավոր դասեր է առել պրոֆեսորներ Պերելմանից և Նիլսենից (Լենինգրադ): Համերգային երկար տարիների գործունեության ընթացքում իր կատարողական արվեստն է ցուցադրել Հայաստանի, նախկին Խորհրդային Միության ինչպես և արտասահմանյան մի շարք երկրներում՝ Անգլիա, Ֆրանսիա, ԱՄՆ, Հունաստան, Սիրիա, Լիբանան, Իսպանիա, Կիպրոս և այլն: Հանդես է եկել Հայաստանի, Վրաստանի, Սանկտ Պետերբուրգի, Օմսկի, Իրկուտսկի և այլ քաղաքների սիմֆոնիկ նվագախմբերի հետ: Կատարել է տարբեր դարաշրջանների ու ոճերի ստեղծագործություններ՝ Կուպրենից, Դ.Սկարլատիից մինչև Ս.Ռախմանինով, Հայդենից, Բեթհովենից մինչև Ֆ.Պուլենկ ու արդի հայ կոմպոզիտորներ: Համարվել է Սկրյաբինի ստեղծագործությունների յուրօրինակ ու խորաթափանց մեկնաբանը: Հանդիսանում է «Խորան» կամերային երգչախմբի հիմնադիրը, գեղարվեստական ղեկավարն ու դիրիժորը: 1978-2000թթ համագործակցել է Հայաստանի ակադեմիական երգչախմբի հետ` որպես դաշնակահար-կոնցերտմայստեր: Որպես դիրիժոր 1992թ. համագործակցել է Հայաստանի ռադիոի և հեռուստատեսության կամերային երգչախմբի, 1993-94թթ` Հալեպի «Զվարթնոց» երգչախմբի, 2004-05թթ` Երուսաղեմի Սբ. Յակոբեանց վանքի ճեմարանի երգչախմբի հետ: 1994թ-ից հանդիսանում է Հայաստանի «Տաղարան» հնագույն երաժշտության համույթի գեղարվեստական ղեկավարն ու դիրիժորը: 1977թ. դարձել է Անդրկովկասյան մրցույթի, 1978թ.` Համամիութենական փառատոնի դափնեկիր: 2012թ. արժանացել է Հայաստանի մշակույթի վաստակավոր գործչի կոչման: