Լևոն Բաշալյան

Արձակագիր, թարգմանիչ

Ցիցիլիա Բրուտյան

Երաժշտագետ

Էդվարդ Ջրբաշյան

Գրականագետ

Լևոն Կոջոյան

Գեղանկարիչ

Ալբերտ Խառատյան

Պատմաբան, բանասեր

Ազատ Մաթյան

Բանաստեղծ, թարգմանիչ

Ռուբեն Հասրաթյան

Ճարտարապետ

Նաիրա Գուրջինյան

Երգահան, երաժշտագետ

Սեյրան Գրիգորյան

Գրականագետ

Աննա Պանի

Դերասանուհի

Արփենիկ Հակոբյան

Թավջութակահար

 

 

 

 

ՍՈՒՐԵՆ ՀԱԽՆԱԶԱՐՅԱՆ

Ջութակահար

Ծնվել է 1949թ. նոյեմբերի 13-ին, Երևանում: 1972թ. ավարտել է Երևանի Կոմիտասի անվան պետական կոնսերվատորիայի Վիլլի Մոկացյանի ջութակի դասարանը, 1974թ.` Մոսկվայի Պ.Չայկովսկու անվան պետական կոնսերվատորիայի ասպիրանտուրան՝ Լեոնիդ Կոգանի ղեկավարությամբ: 1969թ. արժանացել է Այսրկովկասյան մրցույթի 1-ին մրցանակին: 1956թ-ից աշխատել է Հայաստանի ռադիոյի և հեռուստատեսության ջութակահարների անսամբլի կազմում: 1984-2007թթ եղել է Կոմիտասի անվան լարային քառյակի ջութակահարը: 1969թ-ից որպես մենակատար և խմբի հետ համերգային շրջագայություններով եղել է աշխարհի ավելի քան 40 երկրներում՝ ԱՄՆ-ում, Կանադայում, Ֆրանսիայում, Մեծ Բրիտանիայում, Եգիպտոսում, Գերմանիայում, Իտալիայում, Իսպանիայում, Ավստրիայում, Շվեյցարիայում, Չինաստանում, Արգենտինայում, Կուբայում, Հնդկաստանում և այլուր: 1975թ-ից մասնակցել է բազմաթիվ միջազգային երաժշտական մրցույթների և փառատոների (Ֆինլանդիա, Շվեդիա, Իսպանիա, Հունաստան, Ֆրանսիա, Ուկրաինա, Կորեա և այլն): Մի շարք կոմպոզիտորներ նրան են նվիրել իրենց ստեղծագործությունները: 1974-2007թթ դասավանդել է Երևանի Կոմիտասի անվան պետական կոնսերվատորիայում (1993թ-ից` պրոֆեսոր), 1974-81թթ՝ կոնսերվատորիային կից երաժշտական դպրոցում: Դասախասություններով հանդես է եկել Շոտլանդիայում (Գլազգո, 1989թ.), Ֆրանսիայում (Լիոն, 1984թ., Ռեյմս, 2004թ.), Հունաստանում (Սալոնիկ, 1995թ.): 1995թ. հիմնել է «Հախնազարյան» եռյակը: Եղել է մի շարք հանրապետական և միջազգային երաժշտական մրցույթների ժյուրիի անդամ: Որպես մենակատար և խմբի հետ թողարկել է մի շարք ձայնասկավառակներ (ԱՄՆ, Ֆրանսիա, Ուկրաինա, Հայաստան): 2008թ-ից դասավանդում է Մոսկվայի Պ.Չայկովսկու անվան պետական կոնսերվատորիայում (պրոֆեսոր) և Մոսկվայի Շոպենի անվան երաժշտական քոլեջում: 1985թ. արժանացել է ՀՀ Պետական մրցանակի, 2007թ.՝ ՀՀ մշակույթի նախարարության ոսկե մեդալի:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար