Արմեն Տիգրանյան

Կոմպոզիտոր, դիրիժոր

Արամ Թորոսյան

Ճարտարապետ, գրող

Մկրտիչ Արմեն

Բանաստեղծ, արձակագիր, թարգմանիչ

Փայլակ Մանուկյան

Ճարտարապետ

Արկադի Մաղդասյան

Կրկեսի արտիստ, ակրոբատ

Անահիտ Սեկոյան

Արձակագիր

Հրաչյա Ղափլանյան

Բեմադրիչ, դերասան

Գոհար Գասպարյան

Օպերային երգչուհի

Վարուժան Նալբանդյան

Արձակագիր, դրամատուրգ, թարգմանիչ

Տիգրան Լևոնյան

Օպերային երգիչ, բեմադրիչ

Գեորգի Թովմասյան

Գեղանկարիչ

Անահիտ Արփեն

Արձակագիր

Մարի Սանթրոսյան

Դերասանուհի

Եվա Սուջյան

Երգչուհի, երաժիշտ

Ժորա Սարգսյան

Դաշնակահար

 

 

 

 

ԱՐԱՄ ՎՐՈՒՅՐ

Դերասան, բեմադրիչ

13 մարտ, 1863 - 5 մարտ, 1924

Արամ Մաքաշչյան

Ծնվել է Կոստանդնուպոլսում: Բեմական գործունեությունն սկսել է 1882թ., Թիֆլիսում: Աշխատել է Թիֆլիսի, Բաքվի թատերախմբերում, հանդես եկել նաև Ռուսաստանի, Անդրկովկասի հայաշատ վայրերում: Լինելով կատակերգակ դերասան` անձնավորել է նաև դրամատիկական և բնութագրական կերպարներ: 1890թ. Կ.Պոլսում տեղի ռամկական բարբառի է փոխադրել և բեմադրել Գ.Սունդուկյանի «Պեպո»-ն` անձնավորելով գլխավոր դերը: 1895թ. Թիֆլիսում առաջին անգամ բեմ է հանել Հ.Պարոնյանի «Պաղտասար աղբար»-ը, ապա` «Մեծապատիվ մուրացկաններ»-ը` անձնավորելով գլխավոր հերոսներին: Արևելահայ թատրոնում նրա թարգմանությամբ բեմադրվել են Մոլիերի «Տարտյուֆ», «Ագահը», «Ժորժ Դանդեն», «Դոն Ժուան» պիեսները: Խաղացել է մոլիերյան մի շարք դերեր` Օրգոն («Տարտյուֆ»), Հարպագոն («Ագահը»), Սգանարել («Դոն Ժուան»), Արգան («Երևակայական հիվանդը») և այլն: Խաղացել է նաև Յուժին-Սումբատովի «Դավաճանություն» (Սուլեյման), Րաֆֆու «Խաչագողի հիշատակարանը» (Քավոր Պետրոս), Դոլդոնիի «Դոն Գրիգորիո» (Դոն Գրիգորիո), Շիլլերի «Սեր և խարդավանք» (Միլլեր), Ն.Գոգոլի «Ռևիզոր» (Լյապկին-Տյապկին), Գուցկովի «Ուրիել Ակոստա» (Բեն Ակիբա), Լ.Շանթի «Հին ասավածներ» (Զաքարիա) և այլ ներկայացումներում: 1910թ., Մոսկվայում, տեղի հայ սիրողների հետ, սեփական բեմադրությամբ հանդես է եկել Պաղտասար աղբարի, Աբիսողոմ աղայի (Հ.Պարոնյանի «Պաղտասար աղբար», «Մեծապատիվ մուրացկաններ»), Գրիգոր աղայի (Վ.Փափազյանի «Ժայռ», բեմադրությունը` Գ.Բուրջալովի) դերերով: Հեղինակել է մի շարք այլ բեմականացումներ, թարգմանություններ, ինչպես և պիեսներ` «Մտերմական ծեծ», «Վարժապետը», «Տերտերը շկափում» և այլն: 1891թ. Թիֆլիսում հրատարակվել են Պետրոս Ադամյանին և Դավիթ Թրյանցին նվիրված նրա ուսումնասիրությունները, 1916թ.` Ու.Հաջիբեկովի «Արշին մալ-ալան»-ը: 1891-1900թթ աշխատակցել է «Մուրճ» ամսագրին, եղել «Կայծեր» թերթի (1910-11թթ), «Կարմիր աքլոր» երգիծական շաբաթաթերթի (1921թ.) պատասխանատու քարտուղարը: 1907-13թթ խմբագրել և հրատարակել է «Հուշարար» հանդեսը: 1912թ. ընտրվել է Հայ գրողների կովկասյան ընկերության անդամ: Բեմական ու գրական գործունեությանը զուգընթաց, շուրջ երեք տասնամյակ զբաղվել է հնագիտական լուսանկարչությամբ: 1904-17թթ մասնակցել է Նիկողայոս Մառի գլխավորած գիտարշավներին (Անի, Գառնի, Վան և այլն): Ունի մի շարք հնագիտական ուսումնասիրություններ («Ջուղա», «ՊԲՀ», 1967թ.): Նրա անմիջական մասնակցությամբ հայտնաբերվել են Անիի Գրիգոր Լուսավորչի տաճարի (Գագկաշեն) ավերակները (1905թ.): Մահացել է Թիֆլիսում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար