ՏԱՃԱՏ ՎԱՐԴԱԶԱՐՅԱՆ

Բեմադրիչ

1 հունվար, 1914 - 5 փետրվար, 1989

Ծնվել է Երևանում: 1950-65թթ աշխատել է Երևանի Հ.Պարոնյանի անվան երաժշտական կոմեդիայի պետական թատրոնում նախ որպես տնօրեն, ապա` գլխավոր ռեժիսոր: Աշխատել է նաև Լենինականի (այժմ` Գյումրիի Վ.Աճեմյանի անվան) պետական դրամատիկական թատրոնում: Բեմադրել է ավելի քան 30 ներկայացում հայ, ռուս և արևմտաեվրոպական հեղինակների գործերից` «Խանդից պատուհաս», Ա.Արաքսմանյանի «Փիղը պարում է», Ս.Ջրբաշյանի «Երազիկ», Ա.Պապայանի «Երևանյան վարդեր», «Իմ սեր, իմ Շիրակ», Գ.Սունդուկյանի «Վարինկի վեչեր», «Որտեղ է այս փողոցը, որտեղ է այս տունը», Բ.Նուշիչի «Տիկին մինիստրուհին», Վ.Շեքսպիրի «Ոչնչից մեծ աղմուկ», «Վինձորի զվարճասեր կանայք», «Սխալների կոմեդիա» և այլն: 1957թ. իր բեմականացմամբ բեմադրել է Ե.Չարենցի «Կապկազ թամաշա» սատիրան: Ժորա Հարությունյանի հետ բեմադրել է «Գլխի գինն է 50 միլիոն» պիեսը, որն արժանացել է մի շարք առաջնակարգ մրցանակների: 1961թ. արժանացել է Հայաստանի արվեստի վաստակավոր գործչի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար