Եղիա Թովմաճան

Բանաստեղծ, հայագետ, թարգմանիչ

Գուրգեն Գեն

Դերասան

Սոկրատ Կարա-Դեմուր

Արձակագիր, դրամատուրգ

Հենրիկ Սիրավյան

Գեղանկարիչ

Ելենա Ալեքսանյան

Գրականագետ, թարգմանիչ

Գաստելլո Գասպարյան

Բեմանկարիչ, գրաֆիկ

Աշոտ Մարտիրոսյան

Գեղանկարիչ

Աիդա Սարգսյան

Երգչուհի

Հայկ Մարության

Դերասան, պրոդյուսեր

 

 

 

 

ԱՆՏՈՆԻԱ ԱՐՍԼԱՆ

Արձակագիր, հնէաբան

Անտոնիա Ասլանյան

Ծնվել է 1938թ. հոկտեմբերի 13-ին, Իտալիայի Պադուա քաղաքում: Անունն ստացել է ի պատիվ Պադուայի հովանավոր Սուրբ Անտոնիա Պադուացու: Նրա պապը` Երվանդ Ասլանյանը (1865-1949թթ) եղել է հայտնի բժիշկ, ով 13 տարեկան հասակում տեղափոխվել է Իտալիա, ավարտել Վենետիկի Մուրատ-Ռափայելյան վարժարանը, ապա` Պադուայի համալսարանը: Անտոնիան Պադուայի համալսարանում ստացել է հնէաբանի կրթություն: Որոշ ժամանակ անց ամբողջովին նվիրվել է իտալական ժամանակակից գրականության ուսումնասիրմանը: Բազմաթիվ դասախոսություններ է կարդացել ԱՄՆ-ում և Եվրոպայում: Զբաղվել է նաև Դանիել Վարուժանի ստեղծագործությունների գիտական ուսումնասիրությամբ, ինչը պատճառ է դարձել անդրադառնալու իր հայկական արմատներին և ծնողների պատմածի հիման վրա գրառելու իր պապի գերդաստանի պատմությունը: Անատոլիայում բարեկեցիկ կյանքով ապրած Ասլանյան գերդաստանը Հայոց Ցեղասպանության (1915թ.) տարիներին սրի է քաշվել, կանայք և երեխաները տարագրվել են: Այդ մասին է «Արտույտների ագարակ» վեպը, որը 2004թ. լույս է տեսել իտալերեն և անմիջապես դարձել բեսթսելեր, թարգմանվել է բազմաթիվ լեզուներով, նաև` թուրքերեն: Հայերեն հրատարակվել է 2007թ., վերահրատարակվել` 2012թ.: Վեպն արժանացել է ավելի քանի տասնհինգ գրական մրցանակների: Իտալացի հայտնի կինոռեժիսորներ` Պ. և Վ.Տավիանի եղբայրները 2007թ. նկարահանել են համանուն ֆիլմը (ՀՀ նախագահի մրցանակ, 2007թ.): 2012թ. հրատարակել է «Զմյուռնիայի ճանապարհը» գրքի հայերեն թարգմանությունը։ Նույն թվականին Իտալիայում լույս է տեսել նրա նոր գիրքը, որը պատմում է «Մշո ճառընտիր» հայկական ամենամեծ ձեռագիրը Հայոց Եղեռնի ժամանակ փրկած երկու հայ կանանց մասին։ Իտալական գրականության թեմաներով նրա ուսումնասիրությունները հիմնականում վերաբերում են 19-րդ դարի իտալական «ազգային վեպ»-ին: Մեծ ուշադրություն է դարձրել իտալացի կին գրողների ստեղծագործություններին և նրա աշխատասիրությամբ մոռացության մատնված կին գրողների գրքերի մի ամբողջ շարք է հրատարակվել: Իտալերեն է թարգմանել Պոլ Վեռլենի, Արթուր Ռեմբոյի, Պիեռ Լամաթինի, Վիկտոր Հյուգոյի և այլոց ստեղծագործությունները: Պադուայի համալսարանի ժամանակակից իտալական գրականության պրոֆեսոր է: 2010թ. արժանացել է ՀՀ «Մովսես Խորենացի» մեդալի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար