ՌՈՒԲԵՆ ԱԴԱԼՅԱՆ

Ծնվել է 1929թ. նոյեմբերի 10-ին, Սիմֆերոպոլում: Գեղանկարիչ Ռաֆֆի Ադալյանի և գրող Նորայր Ադալյանի եղբայրն է: 1938թ. ընտանիքի հետ տեղափոխվել է Երևան: 1944-50թթ սովորել է Երևանի Փ.Թերլեմեզյանի անվան գեղարվեստի ուսումնարանում, 1950-56թթ` Երևանի գեղարվեստաթատերական ինստիտուտի գեղանկարչության բաժնում: 1954թ-ից սկսել է մասնակցել ցուցահանդեսների: Նկարչի արվեստին բնորոշ են իրականի և երևակայականի համարձակ կերպափոխումը, բնության և մարդու ներքին հատկանիշների այլակերպումները: Գործերից են` «Ձիերի ճակատամարտ» նկարաշար (1972-76թթ), «Հիրոսիմա» (1968թ.), «Գնդակահարություն» (1970թ.), «Մետամորֆոզներ» (1965-70թթ), «Հին Երևան» (1978-88թթ, նկարաշարեր): Մասնակցել է բազմաթիվ ցուցահանդեսների, անհատական ցուցահանդեսներ է ունեցել Երևանում (1997թ., 2000թ., 2004թ.): 1991թ. Երևանում լույս է տեսել նրա ստեղծագործությունների ալբոմը: Նկարչի աշխատանքները գտնվում են Հայաստանի ազգային պատկերասրահում, Երևանի Ժամանակակից արվեստի թանգարանում, Հայաստանի այլ թանգարաններում, ինչպես նաև Հայաստանի և արտերկրի մասնավոր հավաքածուներում: 1960թ-ից Հայաստանի նկարիչների միության անդամ է: 1967թ. «Խիրոսիմա» նկարի համար արժանացել է ՀՀ մշակույթի նախարարության մրցանակի, 1971թ. «Գնդակահարություն» նկարի համար` «Տարվա լավագույն նկար» մրցանակին: 1972թ. արժանացել է Հայաստանի վաստակավոր, 1990թ.` ժողովրդական նկարչի կոչման, 2002թ.` ՀՀ Պետական մրցանակի:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ